Ræða eða AÐ ræða?

Maður myndi ætla að í  háskóla þar sem einhver grein birtist, þá sé auðfarið yfir hana með akademískri smásjá, með tilheyrandi tilvitnunum í heimildir og þar fram eftir götum. 

Málið snýst s.s. ekki um að fjarlægja ræðuna, heldur að svara henni. Það er auðvelt fyrir þenkjandi fólk að svara því sem það er ósammála; með rökum. Það líka skilst í góðum skólum að slík aðferð (rök+heimildir) eru einn grundvöllurinn í faglegri umræðu.

Ef hópur fólks innan HR þætti ástæða til að ræða þetta efnislega, þ.e. á faglegum forsendum, ekki í gegnum eitthvað facebook-bla bla, þá er bara að læra að gagnrýna eitthvað á faglegum nótum og koma því á blað/vef.

Spurning hvort það gangi eftir. 

Óánægð með ræðu á heimasíðu

Leyndarmál

Mikið rosaleg spilling er í gangi.

Engin spurning að nú þarf að svipta hulunni af bönkunum og láta rannsaka, af þeim sem ekkert höfðu með bankana að gera.

Er fjármálaeftirlitið fært um þetta? 

Geta blaðamenn skrifað um þessa hluti án þess að verða sóttir til saka? 

Munu þeir sem tóku ákvarðanir með að gambla með sparifé fólks sóttir til saka?

Munu alþingismenn sem vita meir en "við" segja sannleikann eða vernda vini og stuðningsmenn? 

Verða bankarnir einkavinavæddir aftur?

 Var reynslan af einkavæðingu góð eða slæm?

Til hvers eru leyndarmálin? Eru þau til góðs eða ills?

Eiga menn rétt á leyndarmálum þegar þau varða almannaheill og svona skellur hefur dunið á þjóðinni? 

Það vakna margar spurningar!

 

--

 

Svo má alveg skrifa "fjármálaeftirlitið" -óþarfi að herma ALLT eftir könum, sbr. styttingarnar L.A. I.M.F.  F.M.E. og ámóta aulamálfar.

Notuðu peningamarkaðssjóði

Veffari hvað?

Ég mislas þessa fyrirsögn all hrapalega. Að veffari væri kominn út úr Bandaríkjunum. Mér líkar ágætlega hér í New York og þarf ekkert að flýja sko.

Gott framtak að gefa út Laxness, kannski glugga ég í bókina í næstu bókabúðaferð. 

Vefarinn kominn út í Bandaríkjunum

Hugmynd: Alþingi leyfi mótmælendum að nota fánastöngina og svalirnar.

Bónusfáninn var gott framtak, áhrifamikið og snjallt uppátæki. Þó það bjargi varla Íslandi. En maður undrast að maður skuli handtekinn fyrir að hengja upp fána. Þó gefnar tæknilegar ástæður séu aðrar, er flestum ljóst samhengið hér á milli.

Er ekki best að leyfa mótmælendum að hengja upp fána á stönginni eftir því sem þeir óska? Svo er hann tekinn niður í lok mótmælanna.

Mér þætti líka eðlkilegt að ræðuhaldarar fengju að nota svalirnar. Til þess eru þær, að leyfa mönnum að tala fyrir framan fólkið.

Nauðsynlegt er að sýna skynsemi og koma til móts við mótmælendur. Sem eru friðsamlegir og málefnalegir. 

Þá er sem sagt hægt að byrja Laugardaginn með því að draga einhvern fána að hún og setja mótmælin formlega af svölunum og hengja gjallarhorn utan á húsið og á svalirnar.

Svo er hægt að skipta um fána og setja nokkra upp eftir því sem líður á mótmælin.

Alþingishúsið er jú "forum" fyrir raddir fólksins, eða er einhver ósammála því?

 

(Að ofan, mynd mín Blæs úr vestri frá 2003, m.a. birt í Gegnumgangi í fyrra)

 

Fráleitt ólögmæt handtaka

Innrás

Hugmyndafræðilegt skipbrot.

Fara varlega í hvers menn óska sér. 

Áhugi á Kaupþingi í Lúxemborg

Auglýsingamarkaður eða fjölmiðill??

Manni er óskiljanlegt hvernig hægt er að halda að fjölmiðill sem er titlaður "auglýsingamarkaður" geti verið neitt annað en tæki til að þjóna auglýsingamarkaði. Það er ekkert að því að fjölmiðill sé með auglýsingar innan um gott efni. En auglýsingar í "auglýsingamarkaði" fá forgang í auglýsingunum. Sem er ekkert annað en forheimskandi fyrir áhorfandann, þó einhverjum "fjárfestum" þyki súrt í broti að fá ekki voða hagnað. Ef sala á banönum hefur forgang, þá erum við að bananísera lýðveldið. 

En auglýsingamiðlar eru ekkert uppbyggjandi almennt séð.  Félagslegur hagnaður af auglýsingastöðvum er neikvæður miðað við uppbyggjandi símenntandi efni. Á bakvið auglýsingar liggja hálf lygar, blekkingar og engar rannsóknir utan þær hvernig sé best að manipulera áhorfandann. Engann skal undra að þessar pöddur hafi verið að grassera meir og meir í þjóðfélaginu, það gerum við sem fyrir okkur er haft!

Hér eru BNA enn og aftur fyrirmynd. Útvarpsstöðvar hér í BNA eru eins og flestar sjónvarpsrásirnar, menningarlega séðar uppfullar af rusli og freistingum.  Það er af einni ástæðu. Þetta eru allt saman "auglýsingamarkaðir"! Góðu fjölmiðlana má telja á fingrum annarar handar. Ok, kannski fingrum beggja handa.

En einhvern veginn leggja menn saman 2 og 2 og fá út 5.  Ef maður segir við Bandaríkjamann að það þurfi ríkisútvarp, þá er maður kommúnisti. Ef maður segir að auglýsingastöð sem ber sig ekki eigi ekki að hafa einokunarrétt á auglýsingum, þá er maður líka kommúnisti. En þeir eru langlífir frasarnir eins og þessi að ríkisfjölmiðill eigi ekki að vera á auglýsingamarkaði. Þvílík steypa! Spurningin er hvernig auglýsingar ríkisfjölmiðlar eiga að hafa.

RÚV ekki brotið gegn samkeppnislögum

No shit, Sherlock!

"Íslendingar þurfa að skipta um stefnu."

Já það er ekkert annað. Auðvitað þarf að skipta um stefnu. Það þarf að skipta út toppstykkinu sem hefur verið að bulla sl. áratug.

Svo er annað sem þarf að gera; hætta að hlusta á þessa útlensku málpípur auðhringa, sem þykjast vita hvað þeir eru að fara. Reynslan af Chicago-skólanum hefur verið vægast sagt hörmuleg fyrir ísland og fullt af fólki talið trú um að frjálshyggjudellan sé eðlileg mannlegu þjóðlífi. Sem hún er augljóslega ekki.

Við skulum vona að skilyrði frekari lána-klyfja séu ekki að selja virkjanirnar bröskurum eða frekari einkavæðing!

Aðalatriði næstu ára er að byggja upp félagslegar og atvinnustoðir og vinna að því að íslendingar vinni saman á sjálfs-gagnrýninn máta í staðinn fyrir að vinna hver gegn öðrum með trúarbragðadellum í nafni markaðshyggjudrauga. Þð þarf að gera skúrk í að leiða lýðræðislegri stefnur í fiskveiðimálum og losna við braskarana úr kvótakerfinu.  Það þarf nýtt óháð gagnrýnið dagblað sem er ekki hægri vinstri neitt, heldur bara gagnrýnið á allt opinbert og einkavæðingabrall og almenna þjónustu. Það þarf að koma fólki úr þessu fótboltaliðs-mentaliteti og flokkadrættingi, menn þurfa að gagnrýna heimskulegar stefnugreinar í dagblöðunum, t.d. þessar sem koma frá Garðari Hólmstein. 

Lykilorðið er Íslensk SJÁLFBÆRNI á öllum sviðum, að við borgum fyrir hlutina utanfrá fyrirfram, ekki eftirá. Besta stefnubreytingin væri að vera ekki að taka lán nema brýn þörf sé á og undantekningum vegna augljósra uppbygginga.

Er ekki best að bara fá ráð hjá almennilegri íslenskri ömmu frekar en einhverjum vafasömum köllum í oflaunuðum stöðum hjá vafasömum alþjóðlegum stofnunum. 

No shit, Sherlock Strauss-Khan! 

 

IMF: Íslendingar verða að breyta um stefnu

Af verkunum skuluð þér dæma þá!

Fráfarandi forseti Búskur II sannar enn að hann er stórkostlegt furðuverk, alveg hugsanlega frá annari plánetu en við hin. Hann segist iðra orða sem maður sér að hefur svoldið slæmt auglýsingagildi (fyrir hann). Ekki er  minnist á ósannindi hans með efna- pg gjöreyðingavopnin í Írak. Og þáttöku fjölmiðla í ódæðinu. Að hefja innrás byggða á lygum er mikilvægara mál en feiluð áróðursherferð eða klaufaskapur í orðavali. Nokkrar bækur strax frá 2003 (t.d. Vidal, Chomsky og Hedges) benda á að samskonar glæpur var það sem Nasistarnir voru hengdir fyrir: Stríði hrundið af stað með brotavilja. 

Nú liggja á fimmta þúsund innrásarmenn í valnum, tugir þúsunda Íraskra hermanna og hundruðir þúsunda almennra borgara. Og fréttamiðlar eru að velta sér upp úr misheppnuðum áróðri.

Það er til marks um hvað fréttamiðlar á vesturlöndum eru orðnir ónýtir að það telst frétt að Búskur II iðrist orða tengdum auglýsinga/kosningastíls-skrumi, en minnast lítið á þær þjáningar sem þessi mann-djöfull hefur skapað.  Kannski er það vegna þess að fréttamiðlar hafa einmitt meðvitað eða ekki verið að taka þátt í ódæðinu? Fréttir koma jú ekki frá Guði, heldur þeim sem flytja þær. Töluvert af þeim hefur víst verið kokkaður í kjallaraeldhúsinu á 1600 Pennsylvania Avenue. Og í  eldhúsum braskara á borð við Murdoch. Við innrásina í Írak hætti ég alveg að horfa á CNN og gafst endanlega upp á að nokkuð mark sé takandi á Bandarísku sjónvarpi. Enda er það auglýsingasjónvarp. En áróðurinn fer um heimsbyggðina og fann ég þessa skemmtilegu frétt úr einu af mínum uppáhaldsblöðum, Mogganum, þar sem áhrif Búsk lygaáróðurs hefur komist á forsíðuna og á innsta kopp á Íslandi.

En það er sannarlega til umhugsunar þegar mannorð eins manns virðist meira virði en mannslíf hundruðir þúsunda og aðstandenda. Milljónir flóttamanna hafa komið til vegna innrásarinnar og eyðileggingar á heilu landi. Það endurspeglar einn sjúkleika okkar tíðaranda, þegar upphafning á manns eigin persónu virðist fá forgang yfir allt annað í lífinu. Jafnvel limlest og deyjandi börn fá ekki forgang yfir umræðu á aulalegt orðaval forsetans, eða hvort hann hafi eða hafi ekki hengt upp einhverja fánaveifu á einhvern dall.

Nú er að sjá hvaða gloríur Obama gerir. Allir ráðamenn virðast vera eintaklega hæfir í að bulla, sérstaklega þessir sem eru mest auglýstir.

Bush iðrast orða sinna

Rýtingur

Æ æ-áts, svona þegar vopnin snúast í höndum á mönnum. Rýtingur sem fara átti í bakið á öðrum fór óvart í mallakútinn og ekki skal neinn undra að það hafi verið sárt. Aumingja kallinn, voða meiddi sem hann hefur fengið. 

Þetta er sannarlega efni í Gríska tragedíu, mig rámar að einhver hliðstæð saga sé til aftur úr fornöld. Við erum öll svo mannleg. Apadýrið sem trónir efst á fæðupíramídanum, ranghvolfir augunum með iPod og torkennilegar hvítar snúrur útúr höfðinu. 

Allavega, er ekki tími kominn til að skoða laun þessara opinberu starfsmanna? Þeir fá feitann launaseðil með beikoni og slaufu og heilmikil eftirlaun -fyrir ég veit ekki hvað (ehemm) og á þessum alverstu tímum. Á meðan stendur fremri endi þjóðarskútunnar fram af fossi. Ekki beint eins og hlutirnir séu að stefna í rétta átt, nú eru 10,001 atvinnulausir, flestir vegna gjörða þess hóps sem segir það vera öllum öðrum að kenna; Dönum, Bretum, Könum, Þjóðverjum... you nameit. Nú þegar mikið ríður á er nauðsynlegt að fólk sé að einbeita sér að vinnunni, ekki vera í Wolfenstein eða ámóta bófaleik á netinu. 

"Together we stand, divided we fall." 

Segi eins og ég hef áður haldið fram: Hærri laun eru EKKI ávísun á betri vinnubrögð, sennilega er hið öfuga rétt: Diametric oppositional relationship.  Kannski er kominn tími á að fá almennilega iðnaðarmenn og duglegt fiskverkunarfólk í gráa kassann með Bónusfánanum? Svo lengi sem fólkið er samviskusamt og heiðarlegt, þá fengi það sko mitt atkvæði!

Fékk aðeins í magann

Handan fataskápsins

Sarah Palin goes through her closet: Palin fór í gegnum fataskápinn.

Þýðingar eru snilld stundum. Sérstaklega þar sem hún Sara Pálína eyddi heilum Laugardegi í að fara í gegnum fataskápinn sinn. Kannski er hann svona hlið inn í fjórðu víddina, hún kemur út hinum megin og er í Alaska, svo aftur til baka og hún er í Guantanamo Bay með fanga í bala og aftur í gegn og hún komin á fund með Osama bin Laden og svo enn aftur í gegn og hún er í Hvíta Húsinu með vindil. Lísa í Undralandi gerði held ég eitthvað svipað. Nei, ekki með vindilinn, heldur að fara inn um svona skápshurð ofan í kanínuholunni. Smoke'em out á LaugarSkápsDegi. Óvenjulegur vinkill sögunnar er að hlutar af skápnum hennar Söru Pálínu er í eign Repúblíkanaflokksins. Heimurinn er stórundarlegur, verð bara að segja eins og er. Vonandi flýgur þakið á skápnum ekki upp í himingeiminn eins og Jesú. Sunnudagurinn gæti orðið erfiður.

Palin fór í gegnum fataskápinn

Einkavæðum bankana!

Einkavæðum bankana strax! Smá grín. Þetta er auðvitað ekki fyndið. Sumir eru enn að gantast með "að ÞEGAR bankarnir verða einkavæddir aftur..." og þeir eru auðvitað svo fyndnir.

Því er nú þannig farið í þessu blessaða lífi að þegar afbragðs reynsla kemur á smá tilraunastarfsemi, þá er um að gera að halda áfram á sömu braut! Einkavæðum bankana! Aftur! Og fyrst við erum byrjuð, þá eigum auðvitað líka að einkavæða umferðarljósin og umferðarslaufurnar meðan færi gefst. Svona áður en kommúnistarnir stela þeim.

Fáum ekki lán nema Icesave deila leysist

Hagnast á kransæðinni?

Fyrir einhverjum árum var ég að kenna í háskóla í Rhode Island og keyrði þangað tvisvar i viku. McDonalds og örfáir aðrir skyndibitastaðir einoka hraðbrautirnar í Bandaríkjunum (í nafni frjáls markaðar) og ekki kostur á neinu öðru en svona rusl mat. Á þessum tíma fann ég fyrir líkamlegri afturför og efast ekki um aðþað sé maturinn. Þetta var á árunum fyrir Supersize me og Fast Food Nation. Eftir reynslu mína hætti ég alveg að eta á stóra Mmm-inu. Tek með mér ávexti og hnetur ef farið er í svona ferðalög.

Að McDonalds sé að græða í kreppunni er í sjálfu sér í lagi, en það mun skila sér heilsufarslega fyrir þá sem þar eru að eta.  Rotvarnarefnin, íbætt-bragðefnin, litaerefnin, gæði kjöts, brauðs, sósa og reyndar alls matarins er alger vibbi. Þó það geti virst ágætt í undantekningum og sjálfsagt í lagi þrisvar á ári. Efast ekki um að þetta safnast varanlega fyrir í líkamanum.

Étið epli frekar en McDonalds rusl! Eplið er líka ódýrara.

McDonald's hagnast í kreppunni

Verjum RÚV frá nauðhyggju gróðafíkla.

Já mér fannst þessi undirskriftasöfnun frekar ágeng á vefsíðu Skjás1, satt að segja. Í stíl við ýmislegt af þessu efni þarna, idol-model-famous-lookatmyass eða hvað þetta allt heitir. Horfi þeir á sem vilja.

En að kenna RÚV um ófarir einkastöðva er svakalega leim, menn hafa alltaf verið að segja að einka- sé alltaf svo miklu betra. Ef það er betra, þá hlýtur það bara að standa sig betur! En er það að gera það? Mér sýnist ekki. Að vilja banna auglýsingar í RÚV er út í Hróa og ég held að stöðin færi á haus eða bæri sig alveg burtséð frá hvort RÚV gerir þetta eða hitt.

Rúv er að mínu mati lítið annað en með mikilvægi á við ríkisbókasafn. Ómetanlegar hljóðupptökur úr þjóðlífinu langt aftur í tímann, mannamál og tónlist. Rík blanda af efni yfir daginn. Útvarpið er í raun hljóðr(v)æn hliðargrein á bókaflokknum Öldinni okkar. Auglýsingar þar eru ekki í skrum-stíl athyglissjúklinga, heldur einfaldlega lesnar upp. Gufan er hljóðrænt stofudjásn á stórum hluta heimila landsins, sérstaklega úti á landi.

Einkavæðing RÚV myndi vera tóm mistök, þarf bara að líta til okkar ágætu BNA til að sjá að erfitt er að finna heilbrigt "eðlilegt" sjónvarp. Nær er að tala um auglýsingamengað rusl þar sem innihaldið er í besta falli grátt kítti á milli asnalegra og sálrænt truflandi auglýsingafleka.

Hvað þá útvarp, ef þú keyrir yfir þver Bandaríkin og skal ég gefa þér 500 kall (íslenskar) sem rekst á meira en 5 góðar útvarpsstöðvar á leiðinni! 99% af þessu er bara auglýsingaskrum, fyrirmynd Bylgjunnar. Ég er löngu búinn að gefast upp á þessu “einka-” drasli hér í Bandaríkjunum og engin spurning að stóri pólitíski feillinn í fjölmiðlum er að það vantar ríkisAÐHALD til að vega upp á móti þeim sem þurfa KISS og háværar auglýsingar til að tala um -og fylla upp í sínar andlegar eyður. Ekki eru þessar amerísku auglýsingastöðvar að standa sig þrátt fyrir að enginn ríkismiðill sé til staðar.

Það þarf að sýna RÚV innbyrðis aðhald og kannski best að byrja á að klippa út pólitíska embættismenn og flokksdrættinga. Ríkissjónvarpið er ekki alveg að sinna sínu hlutverki og má vel laga til muna með vandaðra þáttavali og góðu úrvali á bíómyndum. Barnaefnið líður fyrir fótboltabullur. “Dallas” og síðari tíma sápurusl hefði aldrei átt að komast í ríkissjónvarpið, bara mín skoðun sko og mætti slaka á hár-pjatti og meikuppi á þeim sem kynna fréttir og þætti. Ég vill líka sjá "ófullkomið fólk."

12 þúsund hafa skrifað undir áskorun

...og ef ekkert lán er svo tekið?

Ekki sögðu Íslendingar það "erfitt að styðja Bretana" í innrás þeirra í Írak, þar sem yfir milljón manns hafa látið lífið vegna rangra ákvarðanatöku. Sko ekki í fyrsta skipti í sögunni sem Bretar bera ábyrgð á dauða milljóna!Þeir eru ekki beint rökréttir í sínum ákvörðunum heldur, allavega drápu íslenskir braskarar engann Breta svo vitað sé.

Eigum við að hlusta á svona lið sem reyndi hvað það gat til að arðræna okkur í gegnum þorskastríðin? Kannski getum við sett okkar úrvals bankalið í sérstakri skútu sem send er til Bretlands >>ONE WAY<< og þeir geta tekið við kjarna vandamálsins með ICE Save reikningana? Vessgú!

Svo taka upp ítarlegra stjórnmálasamband við þjóðir sem eiga það skilið, eins og Venezuela, Kúbu, Rússland, Asíulöndin, Mexíkó, Kanada... Fullt af þjóðum sem gætu reynst betri vinir.

Ekkert smá "leiðrétting" sem blasir við í þjóðfélaginu.

Manni er spurn hvað skeður ef ekkert lán er tekið. Eða ef lán er tekið:

- Ef ekkert lán er tekið verður að koma til að einungis vinna sig upp úr þessu. Fiskirí er undirstaðan og þá verður að fjarlægja alla þessa millimenn sem eru að mergsjúga kerfið. Almenningi verður að bjarga fyrir horn með reglugerðar- og lagabreytingum, afnema verðtryggingu lána og tryggja matarforða að stóru leyti með lækkuðu fiskverði innanlands, aukna grænmetis- og kjötframleiðslu o.s.frv. Einn lykillinn er að fá gjaldeyri inn í landið og eyða sem minnstum. Það þarf meiriháttar leiðréttingu í debit/kredit dálkum landsins!

- Ef lán eru tekin, þá er hægt að dempa "leiðréttinguna" til skamms tíma litið, en til langs tíma litið munu erlend öfl fá að krukka í innanlandsmálum í gegnum skilyrði lánanna. Erlendir auðjöfrar sem nota sér IMF munu sækja eftir auðlindum hér; fiski, ódýrri raforku, olíuleit og að nýta sér hnattræna stöðu landsins. Ólíkt því sem haldið hefur verið fram á sl. árum, þá er lítið til sem heitir "Íslenskt hugvit" enda mest af því lært að utan og innflutt. Erlendir peningamenn líta á að virkjun sé fýsilegur eignakostur fyrir þá. Leyfin til fiskirís, möguleg olía á landgrunni o.s.frv. Eignir landsmanna eru spil eða peð í augum mega-braskara. Leysa lánin eitthvað til lengri tíma litið?

Já hvað ef ekkert lán er tekið?  Einhver?

Styðja illa Íslendinga hjá IMF

Blæs úr Vestri.

Alþingishús grýtt eggjum og Bónus-fáni dreginn að húni. Eggin eru sjálfsagt ágætis vörn á grjótið, sem hefur veðrast mikið með árunum. Eins og lýðræðið sem virðist orðinn einn alsherjar PR auglýsingarfrasi. Mótmælin eru eðlileg viðbrögð almennings við ástandinu og skal engan undra ef mannfjöldinn margfaldist á nokkrum vikum.

Fáninn stórgóði minnti mig á mynd sem ég gerði 2003 þegar íslenskir ráðamenn voru að selja siðferði Íslendinga í óréttmætri innrás í Írak:

 

 

 

 

 

 

 

 

 

 

BLÆS ÚR VESTRI Ólafur Þórðarson, 2003

Hér er rót vandans.

Eggjum kastað í Alþingishúsið

Bankamaður sagði mér...

Mér var sagt í Landsbankanum í sumar eða vor að engin hætta væri á að bankinn færi á hausinn, það væri bara ekkert til í dæminu. Ég spurði nefnilega hvað sparireikningar væru tryggðir fyrir háa upphæð og starfsmaður bara vissi það ekki.

En var með á hreinu að bankinn færi sko aldrei á hausinn. 

Ýmislegt sem þessir bankamenn lýsa yfir.  Auðvitað vita þeir ekki allt, eins og komið hefur á daginn.

Segja að eignir hafi verið umfram skuldir

Fatanotkun

Það tíðkaðist á mínum yngri árum að fólk notaði föt af öðrum. Þessi þankagangur sparar mikil útgjöld á heimilum og gjaldeyri með. Tískan verður um stund að fylgja ástandinu í þjóðfélaginu og ég efast ekki um að stærri hluti en viðurkennist hefur einmitt verið í notuðum fötum.

Hér sé ég tækifæri fyrir innlenda fataframleiðendur. Eða eru þeir til lengur? Ekki vantar mannskapinn í að búa til föt miðað við þær atvinnuleysistölur sem blasa við. 

Smærri fataverslanir að verða uppiskroppa með vörur

Skapar þetta gjaldeyri?

Enn ein tröllkarla-bílamannvirkin á höfuðborgarsvæðinu eiga að fara í stokk frá Snorrabraut upp að Kringlu að sögn GMB nemanda í Bretlandi. 

Er verið að:

1) Fela raunveruleg umferðarvandamál?

2) Eyða pening sem ekki er (lengur/nokkurntímann?) til?

3) Eyða pening í blikkbeljur í staðinn fyrir bættar almenningssamgöngur og reiðhjólastíga? Sums staðar eru strætóskýlin fyrir neðan allar hellur!

Reykjavík þarf meira á "fínstilltri hönd" að halda og minna af svona nautum í glermunabúð.  Spurning hvort svona göng séu fínstilling eða hitt. Maður fer um Reykjavík þessa dagana með skelfingarsvip, svo mikið er búið að klúðra, sbr. þetta hrikalega Skugga(lega) hverfi og Samtúnahverfið sem er eins og úr Austurþýskri hryllingsmynd. 

Maður bara spyr að auki hvort þetta gangnaævintýri gagni nokkuð í því að skapa smá gjaldeyri? Er það ekki það sem okkur vantar? Gjaldeyri?

Kveðja.

Miklabraut í stokk að hluta

Niður á hafsbotninn með Ísland! ?

Ég var að fá mér kaffi niðri í Tribeca áðan. Spjallaði heillengi við argentínubúa sem var í fríi, hagfræðing. Fyrir einhverjum árum í Argentínu hrundi efnahagurinn skyndilega og ástandið þar hríðversnaði. Það sem verra er, er að þrengra efnahagsástandi var fylgt eftir af sömu aðilum og stóðu fyrir einkavæðingarferlunum sem notast var við til að byggja upp spilaborgina. Sömu bankamenn voru í stjórnum og sömu braskarar fengu að vaða uppi og gera enn til dagsins í dag. Fylgifiskur þessa ástands er hrun í samfélaginu, aukin glæpatíðni, ungt fólk á kafi í sterkum eiturlyfjum, morðöldur og aðgerðarleysi af hálfu hins opinbera. Vonleysi og upplausn er í þjóðfélaginu, sem ekki sér fyrir endann á.Verið er að vernda þessa glæpona sem steyptu Argentínu. Almenningur líður fyrir gjörðir þeirra og skuldauppsöfnun.

Manni er spurn með Ísland: Verða sömu pólitíkusar við völd mikið lengur? Þeir sem staðið hafa fyrir einkavæðingarferlinu verða að víkja fyrir mildari aðferðum sem taka mið af hag fjöldans. Það er of mikið í húfi. Það er heil kynslóð í húfi, öll þessi börn í barna og leikskólunum. Einkavæðingarsýkillinn virðist hafa nagað sig inn í heilabú stórs hluta landsmanna, sem eru enn að sleppa úr sér frasa um einka- best og ríki- slæmt og álíka frösum sem Hannes H. og stuttbuxna- júníkkarnir eru að gjalla eins og prógrammeraðir róbottar frá gangsteraborginni Chicago.

Og manni er spurn, hvernig í ósköpunum gat hópur bankamanna á innsta kopp slegið lán fyrir verðbréfum, persónulegum lánum sem svara upphæð Kárahnjúkavirkjunar? Þetta er sjokkerandi! Þessar upphæðir gera gagnrýni á Kárahnjúkavirkjun hlægilegar, virkjunin er þó fjárfesting sem mun skila arði, hin lánin eru tapað fé og til þess eins gerð að svala spilafíkn gróðafíkla. Og þetta er fámennur hópur sem má sjálfsagt líkja við mafíu. Refir að gæta hænsnabús. Á þessi hópur að fá að ráða einhverju í ríkisvæddu bönkunum og fá þá svo aftur á silfurfati? Hvað er í gangi? Er þetta íslenskt hugvit eða er þetta fáránleikinn uppmálaður? Eiga þessir menn að komast upp með að gera svona mikið af sér, fyrir hvað þeir gáfu sér og sínum hirðfíflum þessi fáránlega háu laun? Milljón á dag fyrir að vera tótal fock-ups?

Frasi: "Í einkafyrirtæki væru svona menn reknir!" Já þetta litla! Það sem hefur gleymst undanfarin ár er þetta mikilvæga orð: RÍKISAÐHALD.

Maður lærði það kornungur að árum að verðbréf eru stór áhætta. Faðir minn gaf mér þá verðbréf í Flugfélaginu, sjálfsagt í kringum 1970. Þau urðu verðlaus á örfáum árum þá. Verðbréfafjárfesting er eins og fjárfesting við spilaborð í Las Vegas. Og fyrir þessu spilavíti voru slegin erlend lán sem skattgreiðendur og láglaunaður almenningur á nú að greiða upp -fyrir spilafíkla? 

Ef maður bryddaði upp á ríkisskuldum hafa misvitrir stuttbuxnadrengir síðustu árin verið að segja manni "Ó jú en þetta eru lán í einkaskuld, ríkið er skuldlaust og kemur ekkert nálægt þessu." Já auðvitað: 

Með svona hugviti er ekki nema ein leið framundan: Niður á hafsbotninn með Ísland! Með sömu skipstjóra við stjórnvölinn!

Nú er svo komið að erlendir lánadrottnar eru með krumlurnar á eistum landsmanna. Þeir halda fast í. Smá kreist og þá fá þeir það sem þeir vilja. Manni er spurn hvort almenningur hafi bolmagn í sér til að ýta frá og láta svara til saka þá sem eru ábyrgir fyrir þessu ástandi?

Einkaskuldirnar eiga að vera einkaskuldir. Þeir sem lifðu hæst á þeim eiga að borga fyrir þær sjálfir, enda er einkaframtakið alltaf best til þess fallið, ekki satt?

Óháðir sérfræðingar rannsaka hvort lög hafi verið brotin

"I have seen the promised land" Obama forseti, söguleg stund hérna megin Atlantshafsins. Bandaríkjamenn kjósa loksins í rétta átt.

Hér í New York borg er klukkan rúmlega ellefu að kveldi. Fólk streymir út á götu og fagnar ákaft, hrópar og ræður sér ekki fyrir kæti. Síðustu vikur hafa margir gengið um með Obama hnappa og í Obama treyjum og slíku. Hef ekki séð einn einasta halda á nafni McCain.

Eftir kosningarnar 2004 var maður eiginlega búinn að missa alveg trúna á almenningi hér, að kjósa þennan ruglustrump aftur í Hvíta húsið eftir að hafa klúðrað svona hrikalega. Nú er hægt að sjá smá ljós aftur.

Obama sem forseti endurspeglar ekkert smá breytingar í Bandaríkjunum. Endalok Bush- áranna með öllum þeim hörmungum sem fylgdu og líka ákveðnum kafla lokað í Bandarískri sögu, þar sem svartir hafa verið útskúfaðir. Nú loksins er svartur forseti og menn mega heldur betur vera ánægðir með þann áfanga, hvort sem það lagfærir aðskilnaðarmálin eða ekki. Til lengri tíma litið er dagurin í dag mikil sögustund.

Þetta er góður dagur fyrir Bandaríkin. Og heiminn allann. Bara verst að Obama er ekki lengra til vinstri. Nú er að sjá hvað setur. Mér er minnistætt þegar Dinkins, sem líka er svartur, varð borgarstjóri í New York. Hann er líka svona mjúkur og þægilegur og var á endanum kennt um alls kyns ófarir af semi-fasistanum Giuliani. Sem er víst alvöru-karlmaður. Í augum sumra.

En mega menn bara segja skál  í bili og vonandi ganga næstu 4 árin betur en síðustu 4. Allt er betra en þetta furðuverk og kríp sem frá fer.

Obama kjörinn forseti