Hugmynd: Alþingi leyfi mótmælendum að nota fánastöngina og svalirnar.

Bónusfáninn var gott framtak, áhrifamikið og snjallt uppátæki. Þó það bjargi varla Íslandi. En maður undrast að maður skuli handtekinn fyrir að hengja upp fána. Þó gefnar tæknilegar ástæður séu aðrar, er flestum ljóst samhengið hér á milli.

Er ekki best að leyfa mótmælendum að hengja upp fána á stönginni eftir því sem þeir óska? Svo er hann tekinn niður í lok mótmælanna.

Mér þætti líka eðlkilegt að ræðuhaldarar fengju að nota svalirnar. Til þess eru þær, að leyfa mönnum að tala fyrir framan fólkið.

Nauðsynlegt er að sýna skynsemi og koma til móts við mótmælendur. Sem eru friðsamlegir og málefnalegir. 

Þá er sem sagt hægt að byrja Laugardaginn með því að draga einhvern fána að hún og setja mótmælin formlega af svölunum og hengja gjallarhorn utan á húsið og á svalirnar.

Svo er hægt að skipta um fána og setja nokkra upp eftir því sem líður á mótmælin.

Alþingishúsið er jú "forum" fyrir raddir fólksins, eða er einhver ósammála því?

 

(Að ofan, mynd mín Blæs úr vestri frá 2003, m.a. birt í Gegnumgangi í fyrra)

 

Fráleitt ólögmæt handtaka

Athugasemdir

[Jóhann Pétur Pétursson, 23.11.2008 kl. 15:17]

Eigum við þá ekki bara að leyfa þeim að nota allt húsið. Og úr því að við erum byrjaðir á þessu á annað borð, leyfum mótmælafundunum bara að fara fram í þingsalnum.

Ég get skilið mótmælendur sem að koma saman og tjá hug sinn. Mér finnst það hins vegar hvorki snjallt né sniðugt að brjóta lög til þess að koma skoðunum sínum á fram færi. Fólk þarf ekkert að kasta eggjum eða príla upp á þak Alþingishússins í leyfisleysi. Fólk nefnilega getur komið boðskap sínum á framfæri með friðsömum hætti. Þess vegna finnst mér að lögreglan eigi að bregðast við mótmælendum sem að geta ekki haldið sér á mottunni, bara eins og um hvert annað lögbrot sé að ræða

[Davíð S. Sigurðsson, 23.11.2008 kl. 15:20]

já svona eins og landráðamennirnir og stjórnvöld sem eru trekk í trekk búnir að ljúga að almenningi? við hverju býst fólk eigilega? að við látum allt yfir okkur gangi og treystum á handónýta ráðamenn þessarar þjóðar?

[Ólafur Þórðarson, 23.11.2008 kl. 16:24]

Mér líst illa á þessa hugmynd að leyfa "þeim" að nota allt húsið.

En svalirnar eru prýðisgóðar og til þess gerðar að nota þær og ekkert virkar betur á hitann í fólki en leyfa því að notast við þau tól sem eru fyrir hendi á Austurvelli. Austurvöllur er gerður til þess að mannfjöldi komi saman í sambandi við ástandið í þjóðfélaginu.

Get líka lofað því að ef svalirnar eru notaðar af ræðumönnum, þá verður húsið ekki útatað í eggjum.

[Sigmar Ægir Björgvinsson, 23.11.2008 kl. 20:43]

glæsileg mynd

[Ingibjörg SoS, 24.11.2008 kl. 01:42]

Svo margir viti bornir sem tala af viti

Svo, - eitt lítiðvitiborið

Plúmp, - bara sí svona

Þá bara get ég stundum ekki setið á mér

Get ekki verið alvarleg eina sekúndu lengur

Einu sinni var Alþingishús. Það var ósköp dapurt frá Sunnudegi til Laugardags.......

SVONA NÚ, SAGAN ER RÉTT AÐ BYRJA - TAKIÐ ÞÁTT Í FRAMHALDINU