Hrapa að ályktunum...

"Barack Obama varaði við því í dag að fólk hrapaði að ályktunum um hvað olli því að 39 ára gamall geðlæknir í hernum framdi fjöldamor.."

Google þýðingarvélin kemur sér vel. 

Það er nú oftast með svona byssumenn sem ganga berserksgang, að þeir hafa verið undir álagi frá þeim sem þeir snúast gegn. Sem múslimi hefur hann sjálfsagt verið tekinn fyrir og þurft að heyra ýmislegt vegna eigin uppruna og trúarskoðana. Látið mig þekkja "arabahatrið" hér.

Fréttastöðvarnar eru á "klikk" stillingu í allann dag á kafi í þessum morðum. 

Hitt er merkilegt en dæmigert að þeir 9 afganir sem myrtir voru í dag af NATÓ þ.á.m. 3 börn hafa lítið verið í fréttum. Þá erum við að tala um tvær tragedíur svo til sama daginn. 

Bandaríska þjóðin syrgir

Vísindi eða skáldskapur?

Er þetta ekki áhugavert.

Menn vilja trúa skáldum frekar en vísindunum.

Ef margar kolgeislagreiningar sýna þetta í mannvistarleifum, þá er ekki um að villast.

En jafnvel samtíma skáld okkar fá trúnaðinn í öðrum þjómálum. Slíkur er máttur hinna rituðu orða.

Það er enginn efi að Íslendingasögurnar eru verðmæti sem búa yfir mikilli speki og miklum sannleika.  Lítum á landnámið í vestri, söguna og svo uppgröftinn þar. En sannleikurinn er í söguformi svolítið teygjanlegur og gæti þóknast ýmsum valdamönnum samtímans. Eða menn ritað eftir bestu getu miðað við aðstæður.

Umfangsmiklar aldursgreiningar eru bara það sem þær eru, setja ártöl langt aftur í tímann með áreiðanlegum aðferðum.

670? Fínt mál. 

Var Ísland numið 670?

Bloomberg áfram borgarstjóri hér í New York.

Það var við því að búast að Bloomberg sigri, þetta er gaur sem er að kaupa sér góða umfjöllun í gegnum þá fréttamiðla sem hann á, s.s.  1  2   

Hann og Berlusconi eiga kannski ýmislegt sameiginlegt.

En það er nú líka svo að "til að koma hlutum í verk" þarf að stjórna skoðunum fjöldans. 

Bloomberg marði sigur

Flatskjáarsýkin hræðilega

Allar þessar auglýsingar um ágæti flatskjáa hefur gert margann manninn sturlaðann.

Menn virðast leggja allt í rúst, sitt og annara, bara til að fá að snerta þessa hluti.

Er ekki tími til kominn að koma aftur niður á jörðina og bara fara á bókasafnið til að lesa góðar bækur, ha?

Þjófurinn slasaðist í látunum

Auglýsingar virka svona.

Margir halda að auglýsingar hafi engin áhrif á það, en í raun svínvirka þær. Trixin eru endalaus og að vissu leyti má segja að auglýsingar eru heilaþvottur samtímans.

Vilja eyða meiru ef hnerrað

Stálið úr tví-turnunum og...

"Herskip smíðað úr stáli úr world trade center."

Sá skipið sigla upp Hudson ánna áðan. Það eru nú víst bara 7,5 tonn af stáli, sem er voða lítið af þessum massa sko.

Ég vil nú ekki skemma daginn fyrir neinum en velti nú fyrir mér hvort afgangurinn af stálinu kæmi nokkuð frá Kína.

Herskip smíðað úr stáli Tvíburaturnanna

Hvort kemur á undan, eggið eða hænan?

Frétt segir að tengsl hafi fundist á milli þunglyndis og unninna/ferskra matvæla.

Snúum þessu aðeins á haus. 

Hefur einhver spáð í hvort þunglyndir séu einfaldlega líklegri til að borða unnin matvæli?

Til dæmis; getur verið að þunglyndir njóti síður matargerðar og leiti því skyndilausna?

Hvort kemur á undan, eggið eða hænan?  Og eru áhrifin af ferskum mat svona afgerandi?

Ég er ekki að draga úr gildi ferskra matvæla, heldur setja spurningamerki við hvort rannsóknin sé svona afgerandi eins og gefið er í skyn.

Tengsl á milli þunglyndis og unninna matvæla

Tugþúsundir Íslendinga í valinn

Það er sannarlega staðreynd að sígarettureykingar hafa dregið til dauða tugþúsunda Íslendinga.

Þessi dauðdagi er margbrotinn og skelfileg upplifun. Það eru ótrúlega margir reykingarmenn sem ég þekkti. Og eru komnir í kalda gröf. 

Sem betur fer er reynt að taka á þessu og mín vegna mætti endurskoða hvernig staðið er að innflutningi sígaretta, eða athuga frekari hömlur á sölu þeirra. 

Svo eru líka hagsmunasamtök braskara í bjór- og öðrum áfengisiðnaði sem hafa sterk ítök í þjóðlífi vesturlanda og áhrif á löggjafann í gegnum peningavaldið. Þessi iðnaður notar frjálshyggjunöttarana sér til framdráttar.

En hvort þá sé ástæða til að fegra ýmsa ólöglega vímugjafa? Ætli það. Ef eins mikið væri reykt af hassi eða maríjuhana eins og gert er í miðborg Reykjavíkur með áfengi, þá held ég að almennur trassaskapur myndi snaraukast. 

Þar fyrir utan mæli ég með að menn séu edrú, andi að sér hreinu lofti, drekki mikið hreint vatn og læri að haga sér eins og fífl án þess að þurfa að smakka vímuefni. 

Rekinn eftir að segja áfengi skaðlegra en önnur vímuefni

Þversögnin er...

Hvernig fara þeir að mæla það þegar fólk virðist hamingjusamt í fýlustuði, kvartandi og kveinandi yfir öllu, ha?

Hamingjusamir í 66,4 ár

Villtum kindastofni nær útrýmt?

Hvernig er það.  Ef féð í Tálkna er búið að vera þarna frá miðri síðustu öld, hvers vegna í ósköpunum ekki bara láta það í friði??

50-60 ár sjálfbjarga, allt ómerkt, greinilega sérstakt fyrirbæri sem ætti að vera fylgst með af líffræðingum.

Þetta fé hefur nefnilega ekkert með haustsmölun að gera. Stundum finnst manni að mannfólkið búi yfir einhvers konar grunnhyggni sem erfitt er að skilja.

Kannski er þetta bara drápsfýsn sem þarf í sjálfu sér líka að útrýma. Tilgangslaus dráp eru akkúrat tilgangslaus og heimsk.

Man eftir frétt af albínó lunda í Vestmannaeyjum fyrir ca 15 árum. Hann var umsvifalaust drepinn.  Já það er eftir öðru. Um að gera að taka fyrir það sérstaka og drepa það strax!

Horfði nýlega á Iwo Jima. Mér varð við lestur fréttarinnar hugsað til Japanana sem hentu sér fyrir björg frekar en lenda í klónum á  óvininum.

Svo segir í fréttinni í dag að kindurnar hafi búið við harðræði.

Það er þá "mannúðin" að enda í sláturhúsinu eða vera hrakinn fram af björgum. Eitthvað mikið er að í rökfræðinni. 

Ætli þurfi ekki lagabreytingar til að vernda þetta villta sauðfé frá þeim sem gerðu þessa aðför. 

Manni er spurn eins og svo oft áður: Hvar eru náttúruverndarsamtökin núna? Eða er ekki nóg PR í þessu?

Nítján kindur heimtar af Tálkna

Hallar undan fæti hjá víkingunum.

Enn hallar undan fæti hjá víkingunum. Svo virðist sem frásagnir og montið séu eintómt byggðar á sandi, loforð upp í ermina.

Nú sé ég fyrir mér einhvern útrásarfíkilinn koma upp með bisnissplan um að hér sé Pisa norðursins. Bæjaryfirvöld óttast að stytta falli um koll. Fólk dregst að til að skoða undrið.

Að lokum vil ég eindregið benda Mbl á að hætta með blikk-auglýsingarnar svo maður geti lesið greinarnar.  Mér verður illt í augunum að reyna.

Víkingastytta í Gimli hallast

Íslensk list er bara útflutningsvara

"Íslensk list er útflutningsvara" eða svona hefur hljómurinn verið í ansi mörgum.

Nú er kominn tími á stóra sell-outið og verðmæti Íslenskrar listasögu komin á tombólu braskara.

Verða frjálsramarkaðs-öfga-sinnar ekki ánægðir ef þessi verk hverfa úr landi? Kjarval hlýtur jú bara að vera eins og "hver önnur vara" við hliðina á banönum og hjálpartækjum ástarlífsins.

Sorglegt hvernig hugarfarið hefur verið, og ég spái mun áfram verða.

-

Að lokum mælist ég til að þetta blikkljósa-auglýsingarusl á moggabl.is sé fjarlægt hið snarasta svo hægt sé að lesa greinarnar! 

Listaverkin lenda í eigu erlendra kröfuhafa

Kort

Ekki væri verra að hafa kort með svona frétt svo lesendur skilji hvernig styttingin eigi sér stað.

 

42 km styttra á milli Reykjavíkur og Ísafjarðar

Warren commission?

Nú verða þessir menn að standa sig fyrir þjóðina og klára það sem er rétt byrjað á. Ég ræddi sjálfur örugglega við 1000 manns á síðasta ári. Halló?

Það er líklegt að þessi nefnd sé að vinna mikilvægustu vinnu á Íslandi sl. áratuga. 

Rætt við yfir 300 manns

Íþróttafrétt og prins-bjálfi.

Er ekki hægt að halda þessum íþróttafréttum á sér vef?

Krónprinsinn hefði alveg eins getað farið á klósettið mín vegna.

Sko. strax komið efni í annan mögulegann sér-vef.

Prins fyrir borð

Hlýnunin er.

Það er alltaf að verða hlýrra á Íslandi. Hér eru skógar að vaxa, korn á ökrum, ávetir á trjánum og bráðum vaxa bananar í kirkjugarðinum við Suðurgötu. Við skulum gera ráð fyrir apanýlendum og þá verður gaman að heimsækja aldingarðana, i stuttbuxum, með sólarolíuna í rassvasanum.

Snjóaði snemma í ár

Sammála, eða hvað?

"Þorgerður Katrín Gunnarsdóttir, menntamálaráðherra, sagði í fréttum Ríkisútvarpsins að Ögmundur Jónasson hefði með afsögn sinni úr embætti heilbrigðisráðherra verið að lýsa yfir vantrausti á vinnubrögð ríkisstjórnarinnar í Icesave-málinu."

Ég vissi nú ekki að Þorgerður væri ennþá menntamálaráðherra. 

Annars er mér ekkert annt um hvað hún hefur að segja. Hún segir það sem passar í skrílshilluna. 

Hún átti sæti í stjórn sem var viðriðin hrunið, sat yfir kúlulánum og allsk viðskiptaósiðferði í nafni öfgastefna frá Texas og Chicagó.

Þó er ég sammála Davíð ritstjóra að ekki eigi almenningur að borga skuldir óreiðumanna. 

Er að lýsa yfir vantrausti

Fækkað og fjölgað!

Þekki til hermanna sem eru færðir frá Írak til Afghanistan.

Spurning hvort á áróðurs-máli það kallist að fækka í Írak? 

Kannski getur mbl.is skoðað þetta mál aðeins betur. 

Bandarískum hermönnum fækkað í Írak

Hindurvitni?

Það eru ólíkir hlutir að segjast hafa séð fljúgandi furðuhlut eða þá að halda að líf fyrirfinnist annars staðar í heiminum. Það eru allar líkur á að líf fyrirfinnist á fleiri geimklessum en bara jörðinni. Annað mál ef "fljúgandi diskar" eru að heimsækja okkur.

Það sem ég hef heyrt af lýsingum á svona sýnum er afar veikt, aðallega einhver æskuminning eða þá að það hljómi eins og skáldskapur eða þá væri bara flugvél. Svo hef ég séð ljósmyndir af þessu sem eru svo augljóslega feik. 

Einhver til í að sannfæra mig? 

Sá fljúgandi furðuhlut

Er þetta rétt? Dagblöð útdauð eftir 2-3 áratugi?

Stríðsbraskarinn Murdoch heldur fram að dagblöð verði útdauð eftir 20-30 ár.

Ég er ekki viss um að þetta sé rétt, því margt getur breyzt í bransa á örfáum mánuðum eða árum og forsendur eftir 20 ár eru einfaldlega ekki vitaðar. Bók í kvikmyndaformi eða á snældu hefur sjálfsagt áhrif á lestur bóka fram og til baka.

Sjálfur held ég að dagblöð og netið séu að mörgu leyti bara aðskildir miðlar, og þó að netið ríði ýmsum að fullu, þá er það ekki endilega svona augljóst. Þegar menn þurfa að greiða fyrir áskriftir að fréttum á netinu, þá t.a.m.breytir það miklu. Ég myndi halda að á einhverjum punkti munu menn sjá betur hvernig aðgreina megi dagblöð/tímarit og netrit. 

Svo eru staðbundin blöð í besta falli rótgróinn hluti af samfélaginu eins og til dæmis okkar Moggi sem hefur í heildina í gegnum áratugina verið nokkuð góður, með ágætu samansafni aðsendra greina, minningargreina, Lesbókar o.s.frv. Net-mogginn er bara allt öðruvísi miðill sem t.a.m. þrífst að stóru leyti á bloggi, ítarlegum gagnagrunni fasteignamarkaðar eða skyndifréttum.

Ég held því að Murdoch, sem er að fara að rukka fyrir fréttir á netinu, sé að reyna að koma á koppinn tekjulind og því er þetta dulin auglýsing hjá honum. Hann lifir og hrærist í slíkum pælingum:

"Þú borgar, af því dagblöð eru hvort eð er að hverfa."

Að öllum líkindum verður Murdoch þó sjálfur dauður eftir 20-30 ár og er gott að minnnast þáttar hans í alls konar beinum áróðri til dæmis þess að agitera fyrir mannlegum hörmungum og innrás í Írak eða krukka í pólitík innan BNA og utan.

Með sjónvarpsstöð á borð við FoxNews getur ekki nokkur maður talist vera áreiðanlegur. Jafnvel þó braskarinn hafi keypt Wall Street Journal. 

Murdoch boðar dauða dagblaða