Lítil stúlka ræðst á afrakstur dagsins.

Undanfarið hef ég verið að vinna í arkitektateikningum og hönnun á ákveðnu húsi og prentaði út þær arkir sem mestu máli skiptu. Setti þær á vinnuborðið með pennum við hliðina til að skrifa inn á það sem mætti leiðrétta. Fór svo að viðra mig, búa mér til meira kaffi, þá út með hundana og svo út í búð að kaupa í matinn. Afsökun fyrir að fara og kaupa súkkulaði. 

Þegar ég kom til baka var dóttir mín Lilja búin að krota alveg helling á nokkrar arkirnar með trélitunum mínum. Vinnuteikningarnar orðnar að litabók, takk fyrir! Jæja, ég skoðaði gaumgæfilega það sem hún hafði gert og svei mér þá ef hún veit ekki betur hvað á að gera en ég. Hún er afkastameiri, það má hún eiga. Þarna sá ég að hún var búin að teikna rólóvöll inn á grunnmyndina og lita flest húsin á afstöðumyndini fjólublá. Ég kallaði í hana og bað hana að útskýra þetta fyrir mér. Þá benti hún mér á að rennibrautin væri teiknuð á heppilegum stað og best að hafa fullt af grasi, auk sandkassa og róla. Ekki nóg með það, geri ráð fyrir að þetta sé úr ráðningum á völundarhúsum, en hún hafði teiknað gönguleiðina í gegnum húsið með rauðum penna. Í háskólum hér er það kallað circulation diagram. 4. ára. Og húsið á mörgum hæðum.

Hliðarmyndirnar voru líka orðnar að listaverkum í anda mynda Paul Klee. Er ekki frá því að hér hafi komið nokkrar góðar hugmyndir. Vinnan batnar jú ef maður vinnur undir góðum verkstjóra sem kann handtökin. Þ.e. ef verkstjórinn hefur ekki farið á námskeið í verkstjórnun eða í sérskóla til síns starfa eða er upptekinn af hvort bindið passar við reimarnar á lakkskónum. Jæja, nú ætla ég að melta þessar viðbætur og innvikla þær að hluta til í næstu umferð. Enginn þarf að vita hvernig það kom til.

Bjargvættur ársins.

Nú er árið liðið og tölvudótakaupin afstaðin í bili. Af öllu því víradrasli og stöffi sem keypt var þá stendur upp úr eitt tæki sem virðist slá öllu út. Það er lítill utanáliggjandi diskur sem rúmar allt okkar hafurtask. Og er á stærð við vasatölvu (reiknivél), ca 12cm langur og rúmur sentímeter á þykkt. Hægt að fara með í vasa hvert sem er, passar í USB tengi Windows og Macintosh án þess að nota straumbreyti, losar um rými á öllum tölvum. Hraðinn er nægilegur í flestar aðgerðir nema mjög stór skjöl. Eiginlega má segja að þetta litla $100- apparat sé orðið kjarninn í öllum tölvumálum enda vinnan fjölbreytt og óhægt að hafa efni dreift á fleiri en einum stað. Í raun losar þetta drif um þörfina á að eiga server. Í okkar tilviki.

Nú hef ég sett til hliðar öll önnur klunnaleg utanáliggjandi drif utan eitt til að spegla þetta. Öll tölvuvinna fer fram á þessu drifi eða endar sett á þetta litla drif. Um daginn var ég að fara í gegnum stafla af gömlum hörðum drifum, það er einn kassi orðinn og ansi mörg kílóin og fyrirferðin. Þetta litla drif hefur u.þ.b. 1500 sinnum stærra geymslurými en fyrsti harði diskurinn á gamalli macintosh tölvu.

 

Blog/blogg - orðskrípi. Hvert þó í blogandi!

Eitthvað hefur þetta "blog.is" verið að angra mig undanfarið. Alltaf þegar ég les það þá les ég það eins og orðið "og" eða "sog" eða "flog". Er ekki ætlunin að hafa hart "g" hljóð á þessu -eða á orðið að skrifast sem "blogg" rétt eins og "egg" eða "sigg." Er alltaf að lesa hliðstæðuna með að ég sé með vefslóð sem rímar við veffari.flog.is  Svo er spurning hvort vefsvæðinafnið sé ekki eðlilegra sem "mblogg.is" fyrst þetta er nú moggablogg á mbl.is ? 

Og fyrst við teiknað inn þennan vinkil, þá er spurning hvort ekki þurfi að finna betra orð yfir þetta fyrirbæri. Blogg er enskt orð og angrar mig svo sem ekkert sérstaklega en samt er nú ekki vitlaust að reyna að koma íslensku orði á koppinn. Okkur þætti nú hálf furðulegt að tala um að setja karið í garassið og sjötta lætsin þegar maður fer að slípa. 

Nokkur orð vantar sem gætu tengst vefskrifum eða innfærslum en samt ná yfir þá vídd sem felst í svona vefpári. Í byrjun netsins fyrir um 10-12 árum hugsaði ég upp orðið "vefrit" (ábyggilega ekki sá eini) og tók í framhaldi af því lénið vefrit.com en vegna einhvers aulaskapar og áhugaleysis missti ég það. Skömmu eftir að ég tók þetta lén dúkkaði líka upp þetta orð hjá mér "vef-fari" sem er auðvitað hliðstætt geim-fara eða sæ-fara. En blogg-orðið liggur ekki eins beint við, þetta eru stundum þurrar leiðinda dagbókarfærslur um fundahöld og morgunnasl, réttritunarnasisma, soft-klám, athyglissýki, snilldar pælingar um hvað sem er, stjórnmálaumfjöllun, fagleg rýni, allt ýmist undir eigin nafni eða nikki.

Enska orðið blog er stytting úr b-log/web-log. Blogg er hálf áreynslulaust og slappt orð og ekki íslenskt. "Veffærsla" þykir mér þá beinasta-þýðingin, þ.e. "værsla" en auðvitað er ekki gefið að þýða hluti svona bókstaflega. Tvö ólík mál eru með ólíkum meiningum þó orðunum svipi til í útliti og gerð. Það getur því komið inn eitthvað ámóta meðtækilegt orð, því munur er á orðunum innfærslu og skrifum. Einnig er mikill munur á því að skrifa á blað, skrifa bók, eða blogga. Magnið t.d. skilur að bloggara og höfunda bóka, ritskoðun og sjálfsgagnrýni er meiri í prentuðu máli. Ég hef þá skoðun að nokkur orð hljómi eðlilega, allavega í mínum huga og að þau séu í raun mörg, eftir því hvaða hlutverki bloggið þjónar:

Bloggun:
værsla
netritun
netfærsla/veffærsla
netskrif/vefskrif
vefpár
leirnet...

Bloggari:
netriti (sbr. sagnaritari, á vel við þá sem skrifa eins og slíkir)
vefriti (á m.a. við um þá sem t.d. skrifa í vefrit eða vef-tímarit eða vefi með ákveðinni stefnu eða ímynd)
vefundur (skáld eða rithöfundur sem skrifar í gegnum netið)
vefskrifari (auðvitað komið fram og stytt sem veffari, sem er reyndar víðtækari)

Bloggsíða:
vefbekkur (eins og t.d. legubekkur sálfræðings, eða hefilbekkur smiðs)
vefspjald (tilkynningaspjald, mótmælandaspjald eða höfundur að gefa einhverjum gula spjaldið)
ritfærsluvefur
ritvinnsluvefur
netveggur eða neggur (óheflað veggarkrot) ...

Ætli málið sé ekki það að upp er að koma heill skógur nýyrða og að innihald þeirra mótist samhliða þróun netskrifa. Mín skoðun er að netskrif almennings sé ný ritöld. Ritöld hin nýja. Munurinn á fyrri tímum mikilla ritsmíða er sjálft magnið, aðgangurinn og hversu mikið af persónulegum vefritsfærslum ber keim auglýsinga og samræðustíls.

En fróðlegt væri að heyra skoðanir manna á ýmsum svona orðum.

Ólafur Þórðarson, AKA veffari, NYC, 2. Jan. 2008

Llaima eldfjallið í Chile gýs. Flott video af byrjun gossins.

Eldfjallið Llaima í Chile byrjaði að gjósa í gær. Það svipar að mörgu leyti til Heklu, en er töluvert hærra. Rakst á þetta VIDEO af þegar fjallið er rétt að byrja að gjósa og þótti nokkuð glæsilegt að sjá fyrstu strókana magnast. Einhver var snöggur til við að ná ljósmyndum af Heklu ef ég man rétt 1980 og mætti nú svosem skella því á wikipediu. En þetta video segir töluvert meira og mæli sterklega með að skoða það!

Kaupæði drasl og notkunargildi

Oft er það svo að maður kaupir allsk hluti sem maður heldur að maður þurfi á að halda og svo notast þeir ekkert þar til þeim er fleygt árum seinna. Hér er um að kenna ýmsum þáttum, s.s. bæði hégómagirnd sem er meðfædd okkur og hvernig auglýsendur spila inn á hana og espa upp til að græða og brosa.

Barnakerrur eru eitt af þessum málum, við hjónin löbbum mjög mikið og góð barnakerra því nauðsynlegt apparat. Við höfum átt þær fjórar og misgóðar og með mismunandi hlutverkum. Sú ódýrasta hentar t.a.m. í flugvélina. Það dýra er ekki endilega betra og misjafnt hvað þarfirnar eru. En eftir að ég keypti þessa Chariot gerð þá hreinlega breyttist lífið í kringum barnauppeldið. Þessi kerra er ennþá notuð á 4. ára aldursári Lilju okkar, hægt er að breyta kerrunni í góða hjóla- eða hlaupakerru með nokkrum handtökum. Um leið og þetta var keypt var maður ekki fastur á heimilinu eða að drottast með hægfara kerrugarm, heldur var skyndilega hægt að hjóla, hlaupa eða fara í hraðar göngur í hvaða veðri sem er, jafnvel þó væru smá snjóskaflar. Svipað og að kaupa sér svona barnabakpoka fríar upp hendur og göngufæri, sem dugir upp að kannski 2ja ára aldri.

Með þessari kerru hefur það mikið breyst að hægt var að vera á hlaupaprógrammi og hjólaprógrammi meðan verið er að ala upp barn. Og er betra að sofa en einmitt þegar einhver er að keyra mann um? Nú erum við flutt innan Manhattan og orðið lengra í skólann. Það vill svo til að hjólastígur liggur beint héðan og niður í skólann hennar Lilju svo þá er tækifærið notað og 2-3x í viku næ ég í hana á hjólinu, ca 10km hvora leið. Annars er nefnilega spurning hvað maður myndi hreyfa sig á annað borð, best er að nota hreyfinguna sem hluta af ferðalaginu. Foreldrar sumir í skólanum horfa á mig stórum augum þar sem þeir mæta eins og venjulegt fólk í bílum að ná í börnin og það rignir úti og er rok, en það bætir nú bara og styrkir. Barnið vendað í kerruhylkinu hvort eð er. 

Það eru sumir hlutir sem maður kaupir sem nýtast mikið og vel. Hreyfingin er auðvitað nauðsynleg og réttu tólin fyrir hana er nauðsynlegt að kaupa. Góði bónusinn við hjólaferðirnar er ekki bara Íslenski fáninn frá afa á fánastöng, heldur mp3 nörda-gettóblasterinn, þar sem Ómar Ragnarsson syngur um Grýlu, Svanhildur um litlu andarungana og fleiri íslenskir tónlistarmenn óma úr kerrunni. Hef þó ekki enn fengið íslendinga á tal við mig vegna söngvanna, kannski þarf maður að hægja á sér? 

 

Prófdómar undanfarna daga

Var að koma áðan úr graduate-borgarskipulagsdeild Pratt Institute hér í New York borg þar sem nemendur kynntu skipulagsverkefni þessarar annar. Hef sem sagt undanfarna daga verið prófdómari og það getur verið snúið að setja sig inn í verkefni nemenda án þess að vera of gagnrýninn, en að gera krítina uppbyggjandi og fræðandi. Til þess er jú menntun gerð; til að skoða hluti frá mismunandi sjónarhornum.

Þarna áðan í Pratt voru þetta mestu skýjaborgir sem ég hef hingað til séð í borgarskipulagsdeild, sennilega af því tekið var fyrir þröngt rannsóknarsvið; hvernig hægt er að minnka C02 í gegnum borgarskipulag. Í fyrstu kann þetta að hljóma fáránlega en þegar litið er til þess að um helmingur C02 útblásturs hér í BNA er vegna bygginga, þá er þetta nauðsynlegt og afar áhugavert rannsóknarverkefni. Í raun er sviðið samtengt inn á fjölmörg önnur fög, t.a.m. matvælaiðnað, flutning á vörum, rusl og endurvinnslu, einnota-ofnotkun, bílaumferðarflæði, getu fólks til að rækta garða í miðri borg eða mat á húsþökum og svölum og þar fram eftir götum. Kynnt voru 6 hópverkefni hvert með sínu sniði með hvernig hægt er að taka fyrir hverfi í Harlem og endurlífga það í gegnum stefnumótun með C02 sem drifkraft. Án þess að senda inn jarðýtur eða rífa byggingarnar sem fyrir eru. Það hefur mér alltaf þótt merkilegt hversu mismunandi arkitektaskólar eru í áherslum og hve mismunandi stúdíóin eru eftir kennurum og nemendum. Til marks um fjölbreytni viðfangsefna var í sal við hliðina verið að dæma verkefni sem eru skýjakljúfar, þar til gerðum húsalíkönum um 2m háum. Mjög kúl.

Í gær var ég svo í New Jersey Institute of Technology þar sem arkitektanemendur vörðu lokaverkefni sitt í skipulagi á húsnæðisblokkum. Sum verkefnin voru nokkuð smekkleg en það virðist há sumum nemendum að hafa aldrei búið í borg (heldur úthverfum) svo þeir hreinlega vita ekki einföldustu hluti með hvernig hverfi virka eða hvað gata er. Það er klárlega munur á þessum tveimur skólum, Pratt í mun betri kaliber, umræðan skilvirkari og beittari.

Var svo fyrir um 1-2 mánuðum í arkitektadeild NJIT í krít þar sem kynnt voru arkitektúrverkefni. Deildin hafði skömmu áður svona rétt sloppið í gegnum NCARB samþykkt og deildarstjórinn fékk þá snilldarhugmynd að banna sköpunargáfur (mín túlkun), venti kvæði síns skóla í kross og það eina sem maður sá voru teikningar af fermetrastærðum, ekki snefill af hönnun. Það er mikilvægt mál og krítísk að bregðast við með réttum viðbrögðum, ekki að skemma deildina með panik.

Allavega er krefjandi og gefandi að vera í þessum prófdómum.

Tvískinnungur hægri manna

Það er merkilegt hvernig þessir sem stoltir telja sig hægri menn standa upp og pústa eins og lúðrasveit í æstri viðbragðsstöðu, þegar þeir bregðast við fjölmiðla-trompettinu um að Pútin sé að níðast á þegnum sem vilja fá að segja eitthvað merkilegt og sannleikanum samkvæmt. En þegar Musharraff, þessi með hárkollu og vel snyrt yfirvaraskegg í Pakistan gerði það sama rétt áður, þá var það nú bara eins og hver önnur frétt um eitthvað sem kemur okkur ekkert við.

Hvor fangelsaði fleiri veit ég ekki um. Allavega veit ég að þeim sem stoltir titla sig hægri menn er gjarnt á að saka þá sem stoltir kalla sig vinstri menn um sams konar tvískinnung. 

Millilínu viska: Svona tvískinnungur er sem sagt ekki einteymingur vinstri manna. Heimurinn er uppfullur af fólki sem rembist eins og rjúpan við staurinn að reyna að sanna eitthvað point sem það sannfærðist um fyrir 20-50 árum síðan. Þráhyggju myndi ég kalla það ef ég væri sálfræðingur.

Ó.Þ. 28.11.2007

Græðgi og metnaður og markaðurinn og dagurinn og vegurinn

Það sér það hver heilvita maður að stórar afturfarir hafa átt sér stað á húsnæðismarkaðnum á Íslandi þegar verð á húsnæði margfaldast á örfáum árum. Greinilegt að kerfið nýja hefur heldur betur klikkað og ekki auðveldara að vera ungur að reyna að eignast húsnæði í dag en áður. Vaxtaskilyrði hafa versnað og húsnæðisverð keyrt uppúr öllu valdi af þeim aðilum sem hagnast best á því. Mér skilst að fullt af fólki sé í að borga og borga af þessum lánum og eru engu nær að eignast neitt.

Rakst svo á þetta á RÚV:

"Ásgeir Jónsson, forstöðumaður greiningardeildar, hélt því fram þegar spáin var kynnt í dag að mikil hækkun á húsnæðisverði undanfarin ár hefði í raun verið leiðrétting á markaðnum. Ásgeir segir að undanfarið hafi fasteignaverð á landsbyggðinni hækkað meira en á höfuðborgarsvæðinu. Samkvæmt greiningu Kaupþings er framboð á húsnæði mikið en hefur þó náð hámarki. Ásgeir segir að markaðurinn sé að breytast, græðgi muni víkja fyrir metnaði. "

Það er fyndin klisja þessi "leiðrétting á markaði" eins og markaðurinn sé eitthvað náttúrubarn sem var með gubbupest í langann smá tíma en litla skinnið er nú loksins læknað. Hvernig er hægt að ganga upp í svona klisjum? Þegar ég heyri svona talað um markaðinn dettur mér alltaf í hug orðið TRÚFRÆÐI og svo þarna orðið í síðustu setningunni: GRÆÐGI.

Það er eitt af lausnarorðum síðasta áratugar og ástæða þess að húsnæðisverð hefur hækkað. Ekki það að gamli vinurinn markaðurinn hafi rétt úr sér eftir að hafa hokrað of mikið eftir vindverki og gyllinæð kommúnistafífla. Húsnæðisverð er auðvitað tilbúið af markaðsöflum og keyrt upp úr öllu valdi af þeim sem mest hagnast á þeim gjörningi. Ekkert nýtt undir sólinni. Svo er safnað saman eignum og haldið í þær von úr viti í stað þess að selja þær á einhverju "undirverði" (þýð markaðsverði). Slömmlord eru hér í New York sem gera þetta. Þeir kaupa fasteignir, henda öllum út og þeir verstu láta þær sitja auðar eins og sviðin lík við götur þar til gróðahugsjónin sér ljósið. Með þolinmæðinni fæst monní. Á meðan grotnar annað niður, sem ekki er hægt að markaðssetja.

Þar fyrir utan er metnaður sem slíkur flókið fyrirbæri og ekki hægt að halda fram að græðgi víki fyrir metnaði. Metnaður birtist í allskyns formum og myndum, getur verið af hinu góða eða illa eða bara eitthvað allt annað. Oft er græðgin svo líka samofin ákveðinni gerð metnaðar eins og allir vita.

Andrúmsloftið er í hættu

Maður fer frekar varlega í þessu máli eins og öðru, En eitt get ég sagt og það er að frekar treysti ég vísindamönnum sem leggja ævistarf sitt að veði í þessu máli, en einhverjum sem eru að setja sig í fótboltalið með eða á móti og ræskja sig mannalega. Eða verja vafasama málstaði út af einhverjum útópískum markaðshugsjónum.

Ég hef enga trú á að maðurinn hafi þessi "engin áhrif" á lofthjúpinn, hann svo sannarlega hefur gríðarleg áhrif á stóra hluta plánetunnar. Lítið á Ísland. Einu sinni trjám vaxið frá fjöru upp í fjöll. Menn að veiða í fjörðunum. Og hvað voru áhrif sauðkindarinnar, þó einhverjir bændur reyni að malda í móinn. Sauðkindur? Þær geta ekki hafa haft nokkur áhrif á svona, þær eru... Rofabörð á miðjum melum gefa til kynna dýpt jarðvegs eins og hann var. Ef landið er örfoka eftir þennan stutta tíma frá landnámi, af hverju ekki skemmd á lofthjúp með margra milljón sinnum meiri pústi og látum? Standið við Ameríska hraðbraut og andið djúpt að ykkur óþverranum sem berst þaðan í þvílíkum mæli að maður kúgast. Fólk forðast að búa nærri þeim af skiljanlegum ástæðum. Ökumenn keyra og sitja klukkustundum saman í þessari vibbaræmu og skilja svo ekkert í af hverju krabbamein eru svona algeng.

3 stórar farþegaþotur lenda eða taka á loft hér í New York á hverri einustu mínútu. Allann ársins hring. Áratug eftir áratug. Eftir hvern einasta dag er mikið mistur yfir öllu eftir öll lætin. Við sólarlag fer ég stundum út að Hudson ánni og sé að sólargeislarnir skína í gegnum verksmiðjureykinn sem virðist byrja að púa út fyrir alvöru um leið og fer að rökkva. Það sem maður sér ekki er ekki til. Eða þannig sko. Hér er mynd sem ég tók af sólsetri þar sem ég fer oft í göngutúra, hér í fjármálahverfinu. Þarna sést þotuskýjafarið yfir Newark vellinum.

Sígarettuframleiðendur og asbestos framleiðendur börðust fram í rauðann dauðann með auglýsinga og áróðursherferðum til að reyna í krafti fjármagns að knésetja þá sem fundu út það sem rétt var. Að sumt drepur okkur. Þrátt fyrir þá staðreynd að McDonalds, pizzudraslið og annar ámóta skyndibitamatur er einstaklega óhollur, þá er þetta rusl með gríðarlega auglýsinga og markaðshlutdeild. Og vel varið af þeim sem þrífast á slíkum eignum.  

Af hverju er ekki andrúmsloftið viðkvæmt eins og jarðvegur, fiski- og dýrastofnar? Við mannskepnan höfum mikil áhrif á sjóinn með allskyns hlutum, t.a.m. kvikasilfri, af hverju væri ekki andrúmsloftið viðkvæmt líka?

Felið reiðhjólin! Maður nauðgar reiðhjóli, fær 3 ár skilorðsbundið.

Svo segja menn að Kanar séu klikk? Í Bretlandi hefur maður verið dreginn fyrir rétt fyrir meinta nauðgun á reiðhjóli. Hann var við þessa viðbjóðslegu iðju í herbergi sínu þegar hreingerningarfólk kom að honum. Það er hryllilegt að svona menn fái að ganga lausir, felið reiðhjólin ykkar! 

A man caught trying to have sex with his bicycle has been sentenced to three years on probation. Sheriff Colin Miller told Stewart: "In almost four decades in the law I thought I had come across every perversion known to mankind, but this is a new one on me. I have never heard of a 'cycle-sexualist'."

TÖLVU-ANGST

Einhvers konar tölvu-angst er í  mér þessa dagana. Vonandi er þetta nú bara ímyndun en yfirleitt eru voðalegar barsmíðar í kringum þessi apparöt og alltaf eitthvað í bölvuðu ólagi. Endalaust stapperí að fá hitt og þetta til að virka.

Nú er ég órólega rólegur með þessi tæki því flest hefur virkað án áfalla í einhverja mánuði eða svo. Kannski er það bara að ef eitthvað virkar ekki á pésa þá fer ég á makkann og ef eitthvað virkar ekki á makka þá fer ég á pésann?

En reynslan er að alltaf þegar ég hef komist á þetta stig að finnast tækin virka fínt og hratt, þá kemur eitthvað upp á og kerfið hrynur. Eða er þetta bara enn einn tæknifóbía nútíma mannsins að banka upp á?

Lyga-auglýsingadrasl Icelandair á mbl.is

Sá auglýsingu frá Icelandair. Traustvekjandi þjóðleg mynd eitthvað, með fána und alles áberandi. "Hátíðartilboð."

Svo þegar smellt er kemur í ljós að tímabilið sem um ræðir er brottför 5 Nóvember -19 Desember. Auglýst sem "Hátíðartilboð!" Bíðið nú við. Hátíðar hvað? Miðaverðin eru svo heldur ekkert $370 eins og fullyrt er, heldur allra lægsta á $650 og upp í $2000- á almennu farrými, á tímabilinu 03 des-17jan. Langt út fyrir "hátíðirnar." Skattur ekki einu sinni innifalinn og auglýsta verðið bara PLAT. 

Allt í plati, rassa-gati!

Hvernig stendur á því að starfsmenn/eigendur Icelandair eru að ljúga svona að lesendum Mbl.? Er það eðlilegt? Eða er í lagi að ljúga bara af því allir aðrir eru lygarar líka? Af hverju er ekki hægt að bara auglýsa verðin eins og þau eru? Af hverju er ekki bætt ofaná klósettpappírsgjaldi eigendanna, fyrst verið er að ljúga og ekki setja með skattinn sem augljóslega er greiddur nema í einhverjum undantekningum?

Þetta er klárlega svindl-auglýsing!

Það er í gangi meiriháttar siðferðishnignun á Íslandi. Þeim sem eru samdauna þessari hnignun finnst svona auglýsing auðvitað fullkomlega eðlileg. 

Þeir sem birta svona auglýsingar hljóta að vera með samskonar siðferðisgildi eða hvað? Ber Mbl.is ekki einhver skylda til að láta breyta auglýsingum eða fjarlægja þegar verið er að ljúga að lesendum?

Auglýsingin: "Íslendingar í Bandaríkjunum Njótið jólanna heima á Íslandi. Einstakt hátíðartilboð: Verð á mann frá $370- fram og til baka. Bókið hér!"

Eða er þetta spurning hvað hægt er lögfræðilega að snúa út úr með "Hvað meinum við með hátíð" og öðru slíku orðagjammi?? Kannski er hátíðin þegar máltíðin kemur á fyrsta farrými og rollufarrýminu?

Eða svona bull á við að "Stjarna við verð þýðir að lesa smáa letrið sem er löglegur samningur" og bla bla að "$370 var til einhvers staðar einhvern einn dag í miðjum nóvember í einn dag í miðjum Janúar og þar af leiðandi er þetta ekki lygi" þó lygin sé augljós venjulegu fólki.

Skakkur af verkjum.

Ég vaknaði snemma í morgun með mikla bakverki. Skildi ekkert í þessu í móki nætursvefnsins. Svona verki fæ ég alltaf á mjúkum dýnum og er skakkur og hægfara af bakverkjum allann þann daginn. En önnur ástæða var fyrir þessum verkjum nú í nótt. Þegar upp var staðið reyndust þetta vera tússlitir dótturinnar sem ég lá á. Hvernig þeir komust undir mig er ekki vitað.

Spilling á Fillipseyjum

Það er alþekkt að töluverð spilling er á Fillipseyjum. Gúgglaði þessu að gamni og fékk 2,1 milljónir leitarniðurstaðna. Vá.

Hverjir eru svo ábyrgir fyrir hverju, hvað viðkemur þessu REI verkefni?

Speaking before the Management Association of the Philippines in March 2004, a top US Embassy official said perceived corruption in the Philippines is a deterrent to foreign investments. Presidential Spokesman Ignacio Bunye denied the allegation, stating that President Arroyo's efforts to thwart corruption in her government have been lauded by the World Bank. "This problem of corruption has been our problem before. But we do not sleep on it and we do not stop coming up with measures to fight corruption," Bunye said in a Radio Mindanao interview. He noted that US firm Intel Corporation, the world's largest computer chip maker, has invested one billion dollars in the nation during Mrs. Arroyo's administration. Bunye cited Sunpower, Ford and Texas Instruments as other US corporations whose investment plans have not been affected by the charges of endemic corruption. (However, the Asia Development Bank says foreign direct investment in the Philippines plummeted to $319 million in 2003 from $1.8 billion in 2002. It blames the drop on "political uncertainties" and a lack of public investment in infrastructure projects).

Gangi ykkur vel.

http://www.arabnews.com/?page=4&section=0&article=53688&d=30&m=10&y=2004

http://www.iht.com/articles/2007/03/13/business/peso.php

http://www.examiner.ie/breaking/world/mhmhmhqlsnmh/

http://newsinfo.inquirer.net/breakingnews/nation/view_article.php?article_id=90886 

 http://www.globalpolitician.com/articledes.asp?ID=607&cid=6&sid=21 

REI áfram á Filippseyjum

Veiddum gullfiska í Central Park í gær.

Við Lilja fórum í gær og veiddum gullfiska í Central Park. Það vantar jú alltaf eitthvað í matinn. Eða heyrðu, má maður nokkuð veiða gullfiska??

Video af fiskveiðum í Central Park.

 

Svo er hér video frá í vor þegar Lilja (3ja ára) sýnir mikla hæfileika á tónlistarsviðinu. Það eru nú ekki allir píanóleikarar sem geta þetta!
Video af píanóleik 3ja ára!

Eva Mjöll Ingólfsdóttir spilaði í Carnegie Hall í kvöld

Fór í kvöld á tónleika í Carnegie Hall.

Þeir voru vel sóttir og salurinn nokkurn veginn fullur. Enda gott efni sem fólk sækist í. Spiluð voru ýmis verk; eftir Prokofiev, Shostakovich, Szymanovsky og Bach. Þetta er ekki léttmeti og ekki auðveldustu verkin. Með glæstri frammistöðu Evu og samspilara hennar Benjamin Loeb tókst þetta afar vel. Þau spiluðu af tilfinningu og innlifun og áheyrendur með augun límd á tónlistarfólkið. Eva náði tærum tónum úr strengjum sínum og meðhöndlaði sitt hljóðfæri af snilld. Leikur Loeb var einnig til mikillar prýði og náðu þau vel saman í sínum verkum.

Eva Mjöll hefur stundað fiðluleik frá unga aldri og það sést vel að hún og fiðlan eru orðin eitt. Óska Evu til hamingju með glæsilega frammistöðu á einum af miðpunktum tónlistarheimsins klassíska.

Ólafur 

Ný greiðsla til Macintosh?

Er "tímavélin" ekki bara enn eitt stikkorð sölumanna? Svona eins og það sé að koma út ný spennandi kvikmynd! Er tímavélin eitthvað svipað og Windows Restore, sem hefur verið í gangi í áraraðir? Eða er verið að meina tímann sem fer í að stilla og uppfæra þessar tölvur?

Af hverju er annars verið að búa til nýtt stýrikerfi, var þetta gamla svona gallað? Eða var þetta gamla kerfi bara óklárað, eins og mikið af þessum pródúktum eru? Af hverju þarf maður að borga mörgum sinnum fyrir sama hlutinn?

Allavega fékk ég mér Mac í vor eftir áratuga monopoly PC. Og söknuð vegna þess að ég átti mac fyrstu 5 tölvuárin. Langt síðan og hélt lífið yrði einfaldara.  Ég er núna aftur á gamla Windows af því það er bara í almennri notkun sveigjanlegra og hraðskreiðara. Notaði Makkann voða mikið fyrst í vor, en í dag nota ég hann 15% af tímanum, PC bara aðgengilegra.  Svo eru Adobe Mac-pakkinn með leiðindagöllum sem eru furðulega mikil risaeðla, Windows-inn bara margfalt hraðskreiðari þó hann sé ljótari.

Makkinn er betri í kvikmyndagerð og layout vinnu. Og auðvitað fer þetta svoldið eftir því hvað maður hefur vanið sig á að nota.

Ný útgáfa Mac OS X væntanleg í mánuðinum

"Nafnleysingjar og álíka skítseyði!" -Nafnleysi er ekki vandamálið, heldur innihaldsleysi, froðusnakk, sjálfhverfa og hroki.

Varðandi notkun höfundanafna.

"Nafnleysingi" er ekki vandamálið, heldur innihaldsleysi, froðusnakk, sjálfhverfa og hroki.

Er það tilviljun að þeir sem hamast hvað mest á móti "nafnleysingjum" eru jafnframt þeir sem eru hvað mest uppteknir af sjálfum sér og iðnir við að einmitt leyfa EKKI athugasemdir á sínum síðum? Eða eru duglegastir við að vinsa út og fjarlægja athugasemdir sem hentar ekki þeirra skoðunum? Þetta hugarfar fer jú saman. Margir þeirra sem af mestum æsingnum hafa úthúðað og verið með fordóma og furðulegann hroka gegn fólki sem skrifar undir höfundarnafni, vilja helst tala TIL lesandans án þess að hlusta. Opnasta umræðan fer nú reyndar fram undir nikkveldi www.malefnin.com vegna þess að þar eru einstaklingar ekki kjöldregnir af valdaklíkum og Gróu gömlu. Og þó, sá sem stofnaði þá vefsíðu var tekinn fyrir í fjölmiðlum og hótað öllu illu.

Svo er áhugavert líka að sumir þeirra sem hafa verið að blogga undir fullu nafni hafa kjöldregið sig sjálfa vegna eigin athyglissýki. Loka á blogg sitt því að frelsið til að skrifa er nú kannski ekki eins frjálst og maður mætti ætla í fyrstu.

Zizek hefur m.a. þetta að segja um höfundarnafn á netinu:

"It´s all to easy to assume that this weakling takes refuge in cyberspace in order to escape from a dull, impotent reality. But perhaps the games are more telling than that. What if, in playing them, I articulate the perverse core of my personality which because of ethico-social constraints, I am not able to act out in real life? Isn´t my virtual persona in a way "more real than reality"? Isn´t it precisely because I am aware that this is "just a game" that in it I can do what I would never be able to in the real world?" Slavoj Zizek: "Irma´s Injection", London Review of Books, 3/25/2007

Hér video mitt af göngufólki sem var að votta virðingu sína. Minnismerki á grafreit þræla opnað í New York.

Kvöldgangan með kertum og trommuslætti fór framhjá hér beint fyrir utan. Takið eftir hvað margar (hvítar) löggur eru "að passa blökkumennina." Var eiginlega gáttaður á hvað mikið áberandi "eftirlit" var haft með þessu friðsama fólki sem var einfaldlega að sýna virðingu fyrir sínum forfeðrum.

Við Lilja dóttir mín hlupum út að skoða þetta og tók ég þá þetta video og setti á YouTube. Hér er skrúðgangan:  http://www.youtube.com/watch?v=nfOfIYjehQw

 

Þrælagrafreitur opnaður almenningi í New York

Enn 30 stiga hiti. Smá bréf frá New York borg.

Mælirinn minn sýnir 32 gráður og það er svoldið rakt líka. Það hefur verið í heitari kantinum þetta haustið, ágústveður fram í Október! Þarf jafnvel að setja á loftkælinguna í dag til að halda lífi og geta unnið. Til mín kom í dag frábær lærlingur, sem ég hef reglulega, og vann með mér í dag við hönnunaratriði á skúlptúrnum sem gerður verður næsta sumar.  Hér sést hann fljótandi í tjörninni við Ráðhúsið í sumar. Þ.e. skúlptúrinn, ekki lærlingurinn...

Svo á eftir fer ég og næ í Lilju mína í skólann. Þá er einmitt ágætt að það sé svona hiti enn. Maður fer með hana niður við Hudson ánna og sest undir tré og les bók meðan hún lúllar í kerrunni. Þetta er fínn daglegur vani, les töluvert af bókum vegna þessa. Fæ mér kaffi og teikna og stússa. Svo þegar hún vaknar er þetta venjulega að sinna henni, tala við hana og leika búa til mat etc. Móðirin kemur frá Flórida annað kvöld, svo þá fæ ég meiri tíma til að vinna.

Svo tók Lilja þetta geggjaða trommusóló um daginn, á eldhúsrusladallinn.