"Nota börn sem skildi"

Her Taílands á erfitt með að myrða fleiri mótmælendur og kvartar að börn séu að flækjast fyrir byssukúlunum.

Spurning hvernig við skrifum fréttirnar.

Herinn myrðir amk 38 manns. Er spurning hver er terroristi í þessu spili.

Svo má skoða þetta:

http://www.democracynow.org/2010/5/18/debating_the_crisis_in_thailand_is


mbl.is Sagðir nota börn sem skildi
Tilkynna um óviðeigandi tengingu við frétt

Dýrmætt byggingarland á Akureyri.

Með þessum flug-látum má gera ráð fyrir að einhverjir Akureyringar verði snælduvitlausir og heimti að fá millilanda- og innanlandsflugið flutt frá miðbænum yfir á Melrakkasléttu. Svona "alveg eins og fyrir sunnan!" Þar sem innanlandsvöllurinn á endilega að fara 50km í burtu frá miðpunktinum af því það er svo auðvelt að skella upp einni farþegalest þarna á milli fyrir gróðann sem fæst af sölu lóðanna á flugvallarlandinu.
mbl.is Þéttbókað á Akureyrarflugvelli
Tilkynna um óviðeigandi tengingu við frétt

RÚV missir andlitið.

Nú vet ég ekki aðdraganda þessa máls en hef á tilfinningunni að verið sé að ráðast á garðinn þar sem hann er lágur. Það hlýtur að mega spara annars staðar (hint: Íþróttir) en að klippa út þuluna, sem hefur alla tíð gefið sjónvarpinu Íslenska sinn sérstaka blæ. Þulan persónugerir sjónvarpsáhorfið og setur mannlegt andlit á annars þurra textakynningu.

Að sumu leyti finnst manni þetta mál vera eins og með styttu sem á að flytja á nýjann stað. Hún reynist of löng fyrir kassann, einn snillingurinn tekur sig til og meitlar bara af henni hausinn. Þá passar hún. Sko!

Og þess vegna verður RÚV-styttan frá og með flutningnum höfuðlaus.


mbl.is Þakka þjóðinni samfylgdina
Tilkynna um óviðeigandi tengingu við frétt

Lán eru tekjur

 Stíflum Skerjafjörð til að fá dýrmætt byggingarland og græðum.

 Byggjum í Engey!

Flytjum flugið úr Vatnsmýrinni.

Hinir nýju búðareigendur eru ekki í þeim bisniss að reka eitthvað Danskt Magasín.

Leggjum járnbrautarlest til Keflavíkur.

Lán eru tekjur.

Borum gat til Vestmannaeyja.

Láttu peninga vinna fyrir þig.

Ísland er minnst spillta land í heimi.

Bullustrumpar eru um heim allan. Þarf að fara til Indlands til að finna þá?


mbl.is Hvorki borðað né drukkið í 70 ár
Tilkynna um óviðeigandi tengingu við frétt

Skitalyktareyðir. Nú er lag að flytja inn bullustrumpsstillandi.

Spurning um að fá svona lykteyðandi ruslahaugaefni á pólitíkina okkar.

Flytjum inn svona nýmóðins vél og komum fyrir á Austurvelli hið snarasta. Með sérstakri blöndu af braskaraeyði og bullustrumpsstillandi efni. 

Jón væri stoltur af þessari lausn í hjarta Reykjavíkur.


mbl.is Sprauta lyktareyði á ruslahauga
Tilkynna um óviðeigandi tengingu við frétt

Lýsi yfir undrun á yfirlýsingu samtaka atvinnulífsins

Já eru orð forsetans virkilega svona slæm?

Hafa samtök atvinnulífsins ekki um eitthvað meira að hugsa en að gefa út yfirlýsingar sem lykta af pólitík? Eru ekki einhver ákveðin verkefni sem samtök atvinulífsins þykja vert að beita sér að, ha? Og geta gefið út yfirlýsingar með til að fá fólk á sveif með uppbyggingu? Ákveðin verkefni af hálfu hins opinbera o.s.frv.?

Er svo ekki eitt vandamálið auglýsingaskrumið? Það að verið er að reyna að halda uppi einhverri ímynd sem svo er ekki alveg fulle fem þegar til landsins er komið? Og ef einhver rekst í þessa ímynduðu-ímynd, þá fara menn á taugum? 

Þar fyrir utan var verið að ræða Kötlu úti í löndum lengi fyrir orð forsetans. Hann bara sagði það sem svo margir voru að hugsa og þegar búnir að segja. Þó þeir séu ekki jarðfræðingar heldur. 

Afgangurinn er bara lottó, hvort Katla gýs eða ekki!


mbl.is Lýsa undrun á yfirlýsingu forsetans
Tilkynna um óviðeigandi tengingu við frétt

Hrafn Gunnlaugsson vs. Reykjavík.

Ég hef farið þarna framhjá umhverfi Hrafns og þótt ég hafi öðruvísi smekk fyrir list, þá þótti mér nokkuð gaman að þessu útisafni/skúlptúrum. Auðvitað er Hrafn í miðju kafi að gera sitt eigið umhverfislistaverk.

Það er merkilegt hvernig má malbika upp um allar sveitir og stórskemma borgina og náttúruna, t.d. eyðilegja hlíðar Úlfarsfells eða gefa leyfi á Bauhaus kassamonster við Korpúlfsá eða forljótan Háskóla Reykjavíkur á kolröngum stað þar sem löng saga er lögð undir malbik og skógrækt til margra áratuga er gefin fingurinn. Braskararuslið milli Höfða og Kringlumýrarbrautar má líka vel rífa. Við verðum nú að forgangsraða. Heilu hverfin eru lýti á borginni og  braskarahverfið er minnisvarði um þá fádæma heimskugryfju sem landinn féll í á síðasta áratug síðustu aldar. Svo á að taka til hendinni hjá einhverjum skrýtnum kalli sem er búinn að dunda við að fá útrás fyrir sköpunargáfur sínar. Og það á að gera í laganna nafni og með íslenskum fána og einhverjum embættismannablæ. Svo þegar borgin verður búin að rífa "draslið" munu líða einhver ár þar til sögusálfræðingar rýna í hvaða veikleiki býr að baki því að vilja eyðileggja allt það sem menn með sköpunargáfur hafa lagt mikið í að búa til.

Þó sumt sé vel gert, er Reykjavíkurborg ekki endilega til fyrirmyndar um að vernda það sem vernda ber. Reykjavíkurborg má vel losna við svolítið af þessari kerfisbundnu stórkarlalegu gerilsneyðingu síðustu áratuga. Það er nefnilega þetta litla skrýtna og persónulega sem er svo oft það áhugaverða í lífinu og gefur því gildi.

Það bara getur tekið tíma að læra að meta það að verðleikum. Og þar til fólk lærir að meta þetta verk tel ég skynsamlegast að leyfa þessu bara að vera í friði og leyfa tímans rás um að meta það. 


mbl.is Dæla úr tjörnum við heimili Hrafns
Tilkynna um óviðeigandi tengingu við frétt

Undarlegt.

Nú veit ég ekki alla aðdraganda hér, en undarlegt þykir manni að hrossaeigendur hafi hross á útigangi á eldgosasvæði þar sem öskufall er líklegt. Er svona erfitt að nálgast hrossin eða varla er mönnum sama?
mbl.is Flytja þarf hrossin í burtu
Tilkynna um óviðeigandi tengingu við frétt

Merkilegur þjóðarauður, gamla brúin yfir Markarfljót.

Það er tilhneiging hjá okkur að líta á gamla hluti sem drasl. En mikil mildi er að þessa brú tók ekki af, því hún er merkilegur hluti af sögu lands og þjóðar. Sögulega séð er hún óslítanlegur hlekkur í samgöngubyltingunni á Íslandi og mikill bót á sínum tíma. Þær eru þó nokkrar svona brýr sem eiga í raun að fá svolítið hærri sess en þeim er gefinn.

 


mbl.is Umferð takmörkuð um brúna
Tilkynna um óviðeigandi tengingu við frétt

Fálkaorða

Manni finnst að svona menn eigi að fá fálkaorðu fram yfir ýmsa aðra. Þar sem framtakssemi er sýnd og snarræði. Allavega væri auðveldara að skilja slíka veitingu.

Svona brú kostar sinn skildinginn. 


mbl.is Gröfumaðurinn bjargaði miklu
Tilkynna um óviðeigandi tengingu við frétt

10 Esjur

Datt þetta nú bara svona í hug. 10 Esjur er svoldið hátt.

En að menn séu enn að deila um eða að uppgötva raunverulegar hæðir fjalla nú á þessum tímum er svoldið skondið finnst mér. Skv. GPS tækni er ljóst að hvorki Kínverjar eða Nepalbúar hafa rétt fyrir sér þrátt fyrir hið merka samkomulag, og munar 2 metrum hér á. 

Jæja, nú fer ég útbý meira kaffi. 


mbl.is Loks sammála um hæð Everestfjalls
Tilkynna um óviðeigandi tengingu við frétt

2007 frétt?

Eldgos er í Eyjafjöllum austan við jökulinn. Þarna flæðir smá hraun og allir á nálum af spenningi. Lítið er um spennandi fréttir þessa dagana, mest af hallæri og blöð uppfull af samdráttarsögum og siðspillingu þeirra sem leiða drösulinn. Eitthvað þykir mér því skjóta skökku við að menn færu að draga upp voða bisnissplön í tengslum við gos sem er rétt búið að vara í nokkra daga. Og hvort nauðsynlegt sé að reyna að hrópa "gullgæs" bara ef eitthvað hreyfist aðeins? Er það gott að selja allt íslenskt landslag og rýrir það gæði þess að verða söluvara eins og landið sem selt var sem IceSave? 

Er ekki landið best skoðað í ró og næði og af yfirvegun og út frá vísindalegu eða fagurfræðilegu sjónarmiði og slíkt?

Hvar stendur það siðferðilega séð að vilja selja allt? Ber það merki um eitthvað þroskastig sem við ekki öll skiljum? Gat eiginlega ekki annað hugsað en að þetta væri frétt frá 2007. En sjálfsagt er ég bara að missa af einhverju. 


mbl.is Kemur eldgosið út í gróða?
Tilkynna um óviðeigandi tengingu við frétt

paranoja

Manni sýnist hræðslan vera undirrót stórra atferlisgeira gagnvart þessu gosi. Og að espa upp hræðslu gefi sumum vald og öðrum peninga líka.

Við eigum að virða þetta sjónarspil náttúrunnar og eina skylda okkar er að virða það fyrir okkur með því að hindra ekki um of ferðir þeirra sem fara og skrásetja öll smáatriði gossins. Þó það teljist nú frekar smátt í sniðum upp að þessu.

Hræðslan má ekki tefja fyrir vísindum og þeim sem skrásetja sögu okkar. 


mbl.is Umheimurinn hræðist Kötlugos
Tilkynna um óviðeigandi tengingu við frétt

Hegðanamynstur í gangi hér.

Fréttamenn eru æstir í að kynna fréttir af erlendum fréttum frá Íslandi.

Þessar erlendu fréttr birtar gagnrýnislaust sem alvöru fréttir, jafnvel þó þær tali um gos undir sjálfum jöklinum eða bulli á við þann sem er í raun óvirkur þátttakandi fyrir framan tölvuskjá inni í eldhúsi sínu. 

Bloggarar eru að missa sig við að reyna að vera fyrstir til að skýra flunkunýtt fjall á fjalli.

Fjallið reynist bunga á fjalli og bungan, eða fellið, var til löngu fyrir gos og á sér líklega þegar nafn.

Allir þykjast sem einn stór sundraður hópur hafa vit á þessu máli. Hver og einn inni í sínum tölvukassa.

Divided we fall.

Menn eru að vilja skíra náttúrumyndanir í höfuðið á mislukkaðri bankastarfsemi í Bretlandi, sem þeir hafa verið að missa sig yfir á sl. ári. Divided we fall.

Svo kemur einhver graður útlenskur golfari í útlenskar æsistöðvar að biðjast afsökunar á framhjáhaldi sínu, eins og það skipti menn nokkru máli?

Er ákveðið mynstur í gangi hér? 


mbl.is Eldgosið heldur að aukast
Tilkynna um óviðeigandi tengingu við frétt

Skýrslan

Við lestur fréttarinnar koma mér þrjár skýrslur til hugar:

JFK, 911 og Hutton. 

 


mbl.is Skýrslan kemur 12. apríl
Tilkynna um óviðeigandi tengingu við frétt

Fréttir um fréttir um...

Þegar fréttir eru orðnar fréttir, þá erum við farin að elta skottið á okkur eins og hundarnir.

Og endanlega búin að missa vitið.


mbl.is Hvarvetna fjallað um gosið
Tilkynna um óviðeigandi tengingu við frétt

2 milljarðar dollara fyrir avatar Hollywood mynd

og peningarnir eru það sem virðast skipta höfuðmáli.

Sjaldan sem mér finnst kvikmyndir góðar. Kannski er hér komin ein aðal ástæðan.

Hins vegar horfði ég á Fitzcarraldo fyrir mörgum árum og þótti hún andskoti mögnuð.


mbl.is Tekjur af Avatar yfir 2 milljarðar dala
Tilkynna um óviðeigandi tengingu við frétt

Áherslur samtaka fyrir nánasta umhverfi.

Eitthvað video var í boði moggans um álverið í Straumsvík, en fyrst það er auglýsing í því slökkti ég nú bara á myndinni.

En ég var að velta fyrir mér að nú eru samtök gegn álveri og allt það. Gott og vel, það er um að gera að hafa umræðu á borðinu með umhverfismál, atvinnusköpun og allt það.

En af hverju eru Hafnfirðingar ekki með samskonar samtök um að vernda það sem er af hrauninu þeirra og vernda bæjarmyndina og nánasta umhverfi? Manni sýnist mikið landsvæði hafa verið spænt upp og grafið sundur og saman. Það sem áður voru tiltölulega lítið snort landsvæði með alls kyns hraunmyndum eða sveitatúnum eru nú kaldranaleg malbikuð úthverfi í útlenskum stíl.

Hellarnir við Heiðmerkurafleggjarann (sunnan frá Vífilstöðum) þóttu manni merkilegir í den tíð, síðast þegar ég kom þar við, reyndar nokkuð um liðið síðan, var allt uppfullt af rusli, sælgætis- og gosdrykkjaumbúðum. Síðast þegar ég fór á Búrfellsgíg var svo mikill hávaði af úthverfaframkvæmdum að það heyrðist ekki einu sinni í náttúrunni, vindinum eða fuglum.

Hafnarmyndin er sannarlega umdeilanleg, með byggingum í skala sem virðast ekki henta smágerðu bæjarmynstri, að maður tali ekki um þetta moll.

Svo maður óhjákvæmilega veltir fyrir sér hvar áherslurnar eiga að vera.  Fara þær kannski eftir stærð og litavali skotmarksins?


mbl.is Vilja nýja álverskosningu í vor
Tilkynna um óviðeigandi tengingu við frétt

« Fyrri síða | Næsta síða »

 

Ólafur Þórðarson

Þetta er blogg frá Manhattan.  Þetta blogg er sambland af faglegu blaðri og ýmsum skoðunum á þjóðfélagslegum hlutum.Ég hef til langs tíma verið gagnrýnandi í arkitektúr-, hönnunar- og borgarskipulagsdeildum ýmissa ágætra háskóla á austurströnd BNA. Þar fyrir utan reyni ég að lesa bækur um ýmis samfélagsmál og tengja saman í stærri heimsmynd.

Öll skynsamleg komment eru velkomin og vel þegin og gætu fengið ítarlegt svar.

Varðandi nafnleysingjaparanoju, þá heiti ég Ólafur Þórðarson. Bú!

Allt efni er höfundarvarið, en má dreifa ef getið er hvaðan það kemur.

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband