Pervismi fjárriðlanna skilur eftir sig grýttann veg.

 Afleiðing og fyllerís-spýja frjálshyggju-fjárriðlanna er nú að koma fram í allri sinni tign. Mér flaug einmitt þetta orð í hug í morgun þegar ég sá frétt um viðloðandi ofurlaun og peningaskjól, að "fjár-riðlar" væri mest viðeigandi þegar við lítum yfir farinn veg.

Menn eignast fyrirtæki til þess eins að kreista úr því allar mögulegar undirstöðu fjárfestingar og veðsetja allt upp í topp. Til þess að skaffa sér "arð" og kaupa sér enn önnur fyrrtæki til að endurtaka leikinn. Aðrir setjast svo í stjórnarstöður til þess að mjólka fyrirtækið eins og þeir frekast geta með því að heimta fáránleg laun, jafnvel fyrir það eitt að hætta að vinna hjá fyrirtækinu eftir stutta viðkomu!

Hugarfar loddara!

Vanhæfnin eykst nefnilega eftir því sem launin eru hærri. Tilgangur svona perra er að knésetja fyrirtækið, ekki að vinna fyrir það og styrkja til lengri tíma.

Afleiðing þessa fjár-pervisma kemur fram í hruninu.

Að halda að hugmydafræði byggð á græðgi og lögleysu geti virkað er firring á háu stigi, jafnvel bara heilabilun. Og skólabókardæmi hvað við mannfólkið getum verið úti að aka.

Það sem þarf er að setja afturkræf lög sem snúa við þessu "fjárriðlafrelsi." Þeir hafa verið að nota fallegri orð um þetta fyrirbæri.

Stuttbuxnadrengir eru í svo mikilli afneitun að kenna um vinstri stjórn, þegar tölurnar eru birtar fyrir 2008!

Hlægilegt og grátlegt hvað lygin og sjálfsblekkingin er viðloðandi.

Algjört hrun í afkomu ríkissjóðs

Kva... 1000 einbýlishús.

43 milljarðar eru sem svarar 1000 einbýlishúsum, ef hvert og eitt er á 43 milljónir. Er bara að reyna að skilja þessa tölu. ;-)

Litu ekki á Björgólf Thor sem tengdan aðila

Nútímamaðurinn drap Neanderthal. Eða...

Varðandi fréttina, af hverju ætti "nútímamaðurinn" að hafa haft vopn en ekki Neanderthalsmaður? Það er ekkert sem segir okkur að Neanderthalsmaður hafi ekki veitt honum áverkann.

Það er algeng viska innan vísindafréttamennsku að halda fram að ekki-menn séu heimsk dýr sem skilja ekkert.  Svona eins og strákarnir í næstu botnlangagötu eru villingar og snaróðir sjoppuhangsarar sem reykja njóla. Margir þeirra sem hafa umgengist dýr vita þó að dýr búa yfir grunneiginleikum sem í sjálfu sér eru ekkert öðruvísi en flest fólk.

Það er svo ekki einfalt að sýna fram á að Neanderthalsmaður hafi getað eða ekki getað valdið vopni?

Sá frétt á BBC sem fjallaði um að það væri möguleiki að sum dýr geti hugsað. Ég meina, stundum er þessi umræða svolítið fáránleg. Ég hef t.a.m. átt páfagauka sem greinilega hugsa skýrt, eru öfundsjúkir, væmnir, reiðir og með húmor. Og búa til eigin orð sem þeir þverneita að gefa upp af því þeim finnst þeir vera svo sniðugir. Auðvitað hugsa þeir, þó kannski sé það ekki alveg eins mekanískt og sumir nördar. 

Tíkin okkar Trýna er alltaf að finna upp á nýrri leið til að segja mér að hún þurfi út á klósettið og það strax. Hún er 14 ára og einstaklega fær að tala með augunum.

Þetta eru jú bara vangaveltur, enda ég ekki alveg eins mikill nútímamaður eins og sumir meira vísindaþenkjandi.

Neanderdalsmaður féll fyrir kastvopni

Ný tálsýn?

Á nokkurra ára fresti "reddast" málin. Nú eru þau að reddast með endureinkavæðingu bankanna og að erlendir lánadrottnar komist á koppinn. Sumir voða happy.

Ég hef aldrei verið hrifinn af bönkunum hér í USA, þeir beinlínis bara sökka hryllilega fyrir venjulegt fólk. Það er svo margt slæmt við þá og kannski það versta að þeir gefa venjulegu fólki ekki séns á að safna fé, afspyrnu lélegir vextir og spariféð jafnvel étið upp með háum mánaðarlegum gjöldum. 

Sem er auðvitað þjófnaður.

Ég er mjög skeptískur, rétt eins og þegar bankarnir voru einkavinavæddir með pomp og prakt fyrir nokkrum árum síðan. 

Hugsanavillan er að halda að refurinn sé bestur í að gæta hænsnakofans. Einkavæðingin er ekki þessi töfralausn sem kennd er í skólaskruddum. Deutsche Bank og Sumitomo. Gimme a break! 

Þá vil ég frekar peningana mína í ríkisreknum Íslenskum banka eða bara í dýnunni.

 

Í faðm erlendra bankarisa

Álftanes skipulag

Minni á skipulagstillögu mína frá samkeppni 1991 sem ég titlaði sem "vistvæna byggð," með skjólrýmum, göngustígum, fjölmörgum margbreytilegum garðrýmum, þ.e. samfléttaða byggð og bílastæðum neðanjarðar undir öllum húsum. http://www.thordarson.com/alftanes.htm

Grænn miðbær á á Álftanesi

Umskurður er glæpur.

Já ekki kemur það mér á óvart.

En könnunin fræga "frá Afríku" fyrir nokkrum árum fór vel í ákveðna hópa hér í USA. Jafnvel góð blöð á borð við New York Review of Books tóku undir þessa vitleysu. Svo hét borgarstjóri New York borgar því að með umskurði ætti að vera mælt við foreldra nýfæddra barna.   ...þó hvert mannsbarn mætti vel fá að vita að í umskorinni-USA er áttfalt HIV smit miðað við forhúðar-Svíþjóð, sem ætti að taka allan vafa af við "forvörnina sem felst í umskurði."

HIV hefur sem sagt ekkert með forhúð að gera. 

Dæmigert mál, þar sem trúarkreddur blandast saman við vísindi, -ekki bara páfinn sem er eilífðar vandamál gegn framförum hjá mannkyninu. Og ekki bara páfinn sem er ruglustrumpur, heldur þetta trúarlið almenn séð.

 

Umskurður ekki vernd gegn HIV

Hugmyndafræðileg taugaveiklun birtist í mbl fréttum um ekki neitt.

Hækkun upp á núll komma þrjátíu og sjö. Halló félagar. núll komma þrjátíu og sjö. ***Hóst*** Og NASDAQ hækkaði um núll komma-núll átta prósent. Halló kæru lesendur, er þetta "góð vika að baki Wall Street"?

Og svo verður maður að spyrja hvað deCode hefur með Wall Street að gera. DeCode er ekki einu sinni hor-peð í þessu spilavíti braskara frá hálfvitalandi. Hver væri ekki ánægður ef ekkert íslenskt fyrirtæki taki þátt í þessu rugli og reyni þess í stað að bara snúa sér að heiðarlegum viðskiptaháttum.

Nei mig grunar að einn af nútíma fjendum Íslands er að svona mikið af fólki hefur farið í viðskiptaskóla til að læra svindl- og prumpfræði. Nú hef ég búið á WALL street svæðinu frá 1998 og ég mæli ekkert með að treysta þessu liði sem athafnar sig í sparigrísum heiðarlegs fólks, rétt eins og termítar búa um sig í timburhúsum eða skítaflugur ráðast á skítahrúgurnar úti á túni.

Skoðið þetta. Ég hef verið að benda á þetta í mörg ár en enginn hlustar.  Jú ég las mig til um þetta vandamál. Einn daginn mun einhver íslenskur "spekingurinnn" opinbera þetta sem sína uppfinningu á Silfri Egils eða annari ámóta áróðurskerlingasnakkþætti.

Góð vika að baki á Wall Street

Og hvaða raunvirði er á eignum Landsbankans?

Miðað við bullið í peningaglæframönnum sl áratugar verður maður að spyrja: Hvað er RAUNvirði gamla  Landsbankans sem nú á að selja complett til að borga fyrir ruglið í fjármálasérfræðingunum.

Já hvað er RAUNvirði Landsbankans?

Er það þessi upphæð sem einhverjir sjálfskipaðir prinsar fengu hann seldann á, fyrir ekki svo mörgum árum?

Er raunvirðið virkilega þessi Ice-save upphæð eða silfurfatsupphæðin? Hvað er sannleikurinn hér?

Skuldin 340 milljarðar 2015

Maður spyr: Hvar liggur eiginlega ábyrgðin?

Ef rétt er sem Davíð segir, þá skiptir öllu máli hér hvort Íslenska ríkið sé ábyrgt fyrir þessum skuldum.  Burtséð frá öllu tali um manninn sjálfann, og ég efast ekki um að margir dreifi þessari umræðu yfir á persónuna Davíð, þá er aðalatriðið hér hvort ríkið eigi að gangast í ábyrgð sem getur knésett þjóðfélagið alveg, bíræfnir alþjóðlegir auðhringar eignast stoðir efnahgslífsins eins og þær leggja sig. Þær yrðu þá ekki endanlega nagaðar niður handa Íslendingum.

Það myndi vera smiðshöggið á einkavæðingarferlinu sem hefur gerbreytt landinu og snaraukið spillingu, svindl, komið á stéttarskiptingu og nagað að rótum samfélagsins.  Lénskerfi hið síðara eins og kallað hefur verið, myndi hugsanlega komast á og rústa Íslandi eins og við þekkjum það. 

Það þarf að skýra línurnar og fá á hreint hvað ríkið er ábyrgt fyrir og hvað ekki. Ef ríkið er ábyrgt, þá er Davíð ruglustrumpurinn. Ef ríkið er ekki ábyrgt, þá er núverandi stjórn að sigla skipinu fram af fossi.

Einn bullustrumpurinn við Austurvöll talar um í dag að óvissa sé verri en (ofviða) skuldir... En ef það að skrifa undir ofviða skuldir eru ekki öruggur lykill inní hámarks óvissu, þá veit ég ekki hvað er. Svo ég held að menn séu farnir að elta hundsskottið sitt í rökstuðningi og slá met í bulli og þvaðri. Menn sem eru með stórar ábyrgðir eiga að geta haldið sér saman ef þeir vita ekki hvað þeir eru að segja.

Ég vil fá þetta á hreint með ábyrgðina: Er ríkið ábyrgt fyrir þessum skuldum eða ekki -og hvernig rökstyðja menn þá ábyrgð?

Gerði ekki kröfu um greiðslu

Ó, æ, á.

Mikið held ég að unga fólkið sakni fjölskyldunnar sinnar eftir útiveru. Og að fjölskyldan sakni þeirra. Þegar upp er staðið eru vinir og fjölskylda dýrmætara en allt annað. Og grasið er nú alltaf grænna hinum megin við girðinguna þegar fólk er alið upp í þeim þankagangi.

Geri ráð fyrir að fólkið snúi á endanum heim. Það mun ég gera. 

Framtíðin utan Íslands

Hvað er þá raunverulegt eignamat Landsbankans??

Já maður hlýtur að spyrja sig hvað liggur að baki verðmætagildi Landsbankans. Það þarf greinilega aðskilda og hlutlausa aðila að fara yfir þessar eignayfirlýsingar til að staðfesta hvað þær eru í raun.

Allavega er ekkert að marka þá spekinga sem hafa verið að bulla þjóðina fulla af skít sl. áratug, þeir hafa verið að fjárfesta í hringavitleysu sem er til þess gerð að draga þjóðina í skuldasvað. Á meðan fámennur hópur græðir á tá og fingri.

Trixið hefur verið að lofa upp í ermina og eignayfirlýsing Landsbankans gæti alveg eins verið þetta: Loforð upp í ermina.

Já og hvað þá?

Þetta er ekki eitthvað prívatmál braskara og ámóta Milton-Friedman trúarnöttara.

Hvað borgar svo sukkreikninga stuttbuxnafrelsishetjanna?

Tombóla á fiskimiðum og virkjunum?

Verður enn frekari einkavinavæðing björgunarhringurinn sem á að redda hlutunum áður en þjóðfélagið sligast alveg? Búið að selja brækurnar af afturendanum, eignarlaust og á vergangi? Mun stór hluti Íslendinga tilheyra sambærilegri "Útrásarvæking Victims Action Group" af því heimskuleg hugmyndafræði var svona vel auglýst? Jafnvel kennd af kappi í háskólum dauðans?

Bankinn fær ekki eignirnar

Einkavæðum bankana aftur sem fyrst!

Já einkavæðum bankana aftur og það strax! Erlenda fjárfesta í dæmið eða bara hvern sem vill borga! Mönný meiks Ðe vörld gó ránd. Seljum okkur!

Brennt barn á endilega að snerta eldinn oft og mörgum sinnum, aftur og aftur. Það segir mikið til um sálarflækjurnar í kolli þess. Einkavæðum bankana aftur og aftur og aftur. Dönsum í eldinum!

Gangsterar eru líka svo miklu betri en ríkið í rekstri almennt séð.

Milljarða veðsetning Landsbanka

Slitnar það sem fúið er.

Ég er óhress með þessa samvinnu VG við einkavinavæðingarflokkinn Samfylkinguna. Sé ekki að þeir sem greiddu VG atkvæði sitt hafi haft í huga svona samstarf sem fer þvert á pólitíska greiningu VG. Ef frumvarp Ásmundar slítur samstarfið, þá er það vegna þess að samstarfið er rotið. Fúinn kaðall má þá bara slitna ef á reynir, eðli málsins samkvæmt. Kaðlar eru til þess gerðir að mega toga.

Að sjálfsögðu þarf almennilega kosningu um ESB. ESB er að hlaupa út í bæ til að leysa innanhússvandamál.

Það er til dæmis skynsamlegra að byrja á spillingunni, t.d. þeirri sem gengur út á "Ég fyrst og svo Ísland og þið."

Ásmundur farinn í heyskap

"Hótelrekstur í þinghelginni"

Hótel Valhöll brennur í dag og með því löng saga sem tengist ungu lýðveldi og fornum þingstað ótal uppákomum og mannamótum. Auðvitað á ekki að gera skrum úr Þingvöllum, en við að gera of mikinn helgidóm og heilagleika úr svæðinu ómerkist ýmislegt sem er bara mannlegi þátturinn.

Auðvitað á að vera hótel þarna og auðvitað á að reisa aftur það sem brann.

Mín vegna má reisa sjoppuna aftur líka og gera hlaðið viðkunnalegra og sem mannamótastað. Ekki að stefna að því að einungis safn-gera svæðið. Það er fátt sorglegra þegar menn með fingur á skipulagi strika út mannamótastaði og hefta þar með karakter og eðlilega mannlega notkun á byggingum eða svæðum. Þessi rútusjoppa úti á hrauninu er óviðeigandi fyrir stað eins og Þingvelli nema til að þjónka massa-túrisma og veitir ekki af að hafa einhvern snyrtilegann stað til að snæða á á Þingvöllum sjálfum jú og eða dvelja í yfir nótt á þokkalega smekklegum íslenskum stað, en ekki undir Ármannsfelli eða annars staðar lengst í burtu. Það væri bara ekki að virka, að fjarlægja hótelið, Þingvellir yrðu ansi tómlegir fyrir vikið. Galdurinn er nefnilega að gera Þingvelli að mannastað svo þeir séu aðdráttarafl gerðir af smekkvísi og með smágerða uppbyggingu mannlífs að leiðarljósi.Það er jú mannfólkið sem stendur að baki þinginu og öllu því.

Svona til samanburðar vil ég nefna að þegar Amerískir kunningjar leita ráða hjá mér með að gista í Reykjavík vara ég þá við að gista í úthverfahótelunum Austan við Lönguhlíð. Enda ekki þess virði að ganga langt meðfram hraðbrautarnauði til að komast leiðar sinnar eða verða að taka leigubíl bara til að labba í miðbænum. Hvers vegna ættu menn að fara á hótel á Þingvöllum og dvelja langt frá miðju svæðisins? Ég skil ekki praktísku hliðina á þessum rökum. Hef aðeins einu sinni dvalið í Valhöll og það er ósköp eðlileg staðsetning á hóteli finnst mér.

Nei Valhöll má byggja aftur í svipaðri mynd á sama stað, jafnvel "af vanefnum" mín vegna. M.a. má nota efni úr þessum bölv. trépalli ofar í hlíðinni sem minnir mig alltaf á tanngarðs-spangir. Og vonandi verður ekki reist þarna flottheitahótel sem er svo dýrt að það hentar bara fáum útvöldum eða sérhannað til að plokka seðla af erlendum túrhestum með tilheyrandi lyklakippuglingri eða yfirdrifnu montskrani. Þarna á venjulegt fólk að geta farið í rólegheitum og notið umhverfisins, fengið sér snarl, mat eða gist, leigt reiðhjól, árabát eða hvað það vill gera til að njóta hjarta landsins. Í miðjunni eiga að vera leiðbeingar/kort um svæðið og hvernig hægt er að komast um á þar til stikuðum leiðum og allt það. Eftir góðann labbitúr er gott að fá smá kaffisopa í Valhöll miðpunkt þess mannlífs sem sækir staðinn heim.

Hótelrekstur á ekki að vera í þinghelginni

Lykilatriðið er...

Lykilatriðið er að virkjanirnar, vatnið og fiskurinn, séu varanlega í eign þjóðarinnar og lagalega EKKI framseljanleg erlendum bröskurum.

Það má selja þeim rafmagn, fisk og vatn. Samningar við erlend ríki þurfa að taka mið af þessu, annars er haldið áfram að setja framtíð landsmanna á borð spilavítis alþjóðlegra peningaafla.

Heill almennings framar tímabundnum gróða. 

Mín langtíma skoðun. 

Lögum um Landvirkjun og OR breytt

Spurningin er: Af hverju þessi leynd?

Af hverju er þessi leynd yfir samningnum?

Er það rétt sem liggur í augum uppi að ef ekki tekst að greiða af upphæðinni þá fari ríkið í greiðsluþrot og eignir þess, þ.e. orkugeirinn og fiskveiðikerfið komist í hendur fyrrum nýlenduherranna Hollendinga og Breta? Í sögulegum skilningi er nú ekki langt síðan þorskastríðinu lauk við Breta, þar sem þeir voru ekkert fylgjandi útfærslu Íslensku landhelginnar. Hvers vegna ættu þeir að hafa skipt um skoðun? 

Nei ég held að EF lagaleg skylda er að greiða þessar kreditskuldir eftir Íslensku ENRON auðmennina, þá verði að gera það á 100 100 ára greiðslusamning, þar sem vextir eru 0,1%. 5,5% vextir eru háir vextir og þessar upphæðir eru of háar. 

Af hverju er þessi leynd yfir samningnum? Er leyndin cover-up? Hvað mega menn ekki sjá og alþingismenn sjálfir ekki ræða???

Björgólfur yngri talaði um að hann væri "að koma með erlenda fjárfesta inn í landið". Er hann með augastað á orkugeiranum? Svei mér þá, stundum held ég að við mannfólkið séum ekkert vitrari en rollurnar. Og að sumir okkar séu úlfar í gæruskinni. 

Skoða Icesave-gögn í lokuðu herbergi

Frétt eða ekki frétt?

0.68% hækkun á erlendum markaði... er þetta frétt?

Ég skil að hækkun DeCode um rúm 5% geti verið frétt, svona ok, en...  hækkun um hálft prósent á Wall Street er varla frétt. Annars var rigning hér í New York í dag og gleymdist að segja af því.

Hækkun á Wall Street

Sum börn læra...

Sum börn læra í fyrstu atrennu að þau fá straum við að pota málmhlutum í innstungur. Önnur börn virðast ekki læra þetta nema eftir nokkur skipti, ein spurningin er hversu illa þau brenna sig, þ.e. hvaða neikvæðu áhrif straumurinn hefur á líkamann. Aðal spurningin er hvers vegna sum börn þurfa að endurtaka þetta.

Að tala um einkavæðingu bankanna er furðuleg yfirlýsing miðað við skelfilega reynslu sl. áratugar.  Kannski erum við bara öllsömun börn, leidd áfram af börnum. Í þágu þröngs sérhagsmunahóps. Sem í þessu tilviki vill eignast banka og segir: "Krakkar, einkavæðum bankana!"

Hvers vegna sum börn endurtaka þetta er sjálfsagt merki um að eitthvað er að, einhver bilun í heilastarfsemi eða bara venjulegur gamaldags kækur.

Bankar einkavæddir innan 5 ára

Neytendur náms.

Ég hef fengið neitanir allt mitt líf þ.á.m. um skólavistir á mínum skólaárum. Fékk ekki inni í skólum sem ég vildi komast inn í og sótti þá aftur um árið eftir og vann á meðan "í einhverjum djobbum." Komst inn í skólann sem ég vildi og tel mig bara hafa verið heppinn. Leit aldrei þannig á að ég ætti einhvern "rétt" á að komast inn.

En neitanirnar halda áfram í dag. Ég sendi beiðnir og umsóknir um hitt og þetta og held að í langsamlega stærstum tilvika fái maður einfaldlega nei. Eitt við skóla lífsins er að læra að eiga við neitun á uppbyggilegann máta.

Og það þarf ekkert að vera að skólastjóri eða kennari vilji nemendum illa, það er held ég oft afsökun á einhverju sem ekkert þarf að vera að afsaka og umtal um vonda kennarann eða vonda skólastjórann gæti þess vegna flokkast undir níð á fagfólki sem er bara að stunda vinnu sína. Sú vinna felst mikið í því að skilja hysmið frá kjarnanum samkvæmt leikreglum skólakerfisins eða fagsins. Ef hægt er að benda á klíkuskap eða ámóta spillingu gegnir það öðru máli. En nám á ekki að vera eitthvað sem menn kaupa sér gráðu eða fara í til að hampa titlum. En því miður er það svona með marga skóla að þeir eru eins og búð þar sem þú kaupir þér gráðu, eins og nemendur séu ekki lengur nemendur heldur neytendur. Sumir nemendur telja sig eiga rétt á að fá A sama hvað á bjátar.

Í Arkitektaskóla var okkur sagt að "90% ykkar munu aldrei vinna í arkitektúr." Og það er bara þannig umhorfs á þeim slóðum þar sem ég fór í háskóla. Sumir nemendur brugðust reiðir við þessum ummælum og seinna meir þegar þeir (og ef þeir) útskrifuðust, gerðu þeir svo eitthvað allt annað en vinna í arkitektúr. Fyrir utan lítinn hóp.

Koma tímar, koma ráð, allar breytingar í lífinu geta verið erfiðar. Maður verður að spyrja sig ef nemendur þurfa einhverja áfallahjálp vegna þessa, hvað gera þeir þá seinna í lífinu þegar mun stærri áföll dynja yfir. Hvað gera þeir þegar þeir útskrifast úr "fína skólanum" og fá enga vinnu? Eða fá vinnuna og stunda leiðinda vinnu í 20 ár áður en þeir átta sig á að þeir eru á rangri hillu? Það er langur listi yfir það sem fer úrskeiðis og eitt af mörgum svörum er að neitun verður að áfalli vegna óraunhæfra væntinga. 

Mér skilst líka að Menntaskólinn við Sund sé ágætur skóli og glæsilegt að fá að stunda nám þar.  Og þó, það gæti reynst erfitt ef nemandi telur það ekki passa við ímyndina. En nemandinn mun eignast góða ævilanga vini þar og njóta námsins og læra að læra, svo lengi sem viljinn er fyrir hendi.

Foreldrar bálreiðir

Framdekkja-syndróm.

Ein helsta hættan við reiðhjól er held ég einmitt að framhjólið stoppi. Menn eiga líka að hugsa aðeins áður en þeir nota frambremsuna um of. Best að halda sig við afturbremsuna og vera vægur á þá fremri.

Ég þekkti samnemanda í mid-west háskóla fyrir 25 árum. Sá missti hluta af andlitinu þegar framdekkið festist á ferð og hann steyptist fram fyrir sig. Hann var illa útleikinn og það varanlega, eiginlega óþekkjanlegur eftir slysið. Annar maður sem vinnur fyrir mig var fyrir um ári að hjóla með plastpoka á stýrinu, þegar pokinn flæktist í teinana, framhjólið stoppaði og hann beint á ennið. Enn einn kunningi hjólaði með dekkið í rist, það blýfestist og sama sagan... beint á hausinn, þ.e. ennið ofarlega.

Það er nú aðallega þetta sem gefur mér ástæðu til að vera með hjálm: Framdekkið.

Svandís: Heppnari en ég á skilið