Allar auglýsingar eru óviðeigandi í bíó.

Mín skoðun er nú þannig að ef maður kaupir miða í bíó kl. 10:00, þá á myndin að byrja akkúrat klukkan tíu og án nokkurra augýsinga.

Þetta er einfalt mál. 

Það er að sjálfsögðu óþolandi að verið sé alls staðar að valta yfir alla, börn þ.m.t., með uppáþrengjandi og sálrænt brenglandi auglýsingarusli.

Þetta er aðal ástæðan fyrir því að ég er löngu hættur að heimsækja kvikmyndahúsin, hef engann áhuga á að borga mig inn sem þáttakanda í markhópi auglýsendaskrums. Ég er reyndar þeirrar skoðunar að ef auglýsingar eru sýndar með myndunum, þá á aðgangur að vera ókeypis fyrir áhorfendur VEGNA auglýsinganna.

Undantekning gæti verið ef sýndur er trailer úr mynd sem í viðfangsefni gæti tengst þeirri sem á að fara að sýna.

En einu sinni var gaman að fara í bíó. Fyrir löngu síðan. Þá fór maður til þess að horfa á bíómyndir. Svona einfalt var þetta og svona einfalt á þetta að vera.

Auglýsa póker á Ísöld 3

Athugasemdir

[Björn (IP-tala skráð) 25.8.2009 kl. 10:18]

Bíóhúsin hafa tekjur af auglýsingunum.  Ef auglýsingar væru bannaðar þá væri bíómiðinn væntanlega dýrari.

Mér fynnst í góðu lagi að sýna auglýsingar í bíóum og sé ekki hvað það skipti mál þó pókerauglýsing sé sýnd á undan barnamynd, því börnin vita hvort sem er ekki hvað póker er og út á hvað hann gengur.   En ef þau vita það þá er vandamálið stærra en auglýsing í bíóhúsi.

[Svava (IP-tala skráð) 25.8.2009 kl. 10:35]

Björn. Þú gerir þér grein fyrir því að börn sem eru að horfa á þessa mynd eru allt frá 2 upp í 14... þú getur ekki sagt mér að þessi börn viti ekki hvað þetta er og að þetta geti ekki haft áhrif. Gefum að þessi börn myndu sjá x margar svona auglýsingar á viku sem segja að það að spila þennan póker sé alveg rosalega flott og frábært og þau ættu að taka þátt í því. Helduru að það myndi ekki hafa áhrif?

 Svokallaðir "unglingar" eru mest berskjaldaðir af öllum og fara oft á teiknimyndir með systkinum sínum og þá er ekkert gott að það sé verið að heilaþvo þá með svona auglýsingum sem ganga út á það að blóðmjólka þá.

[Ólafur Þórðarson, 25.8.2009 kl. 12:35]

Ég er nú svo heppinn að þar sem ég bý í New York eru 2 bíóhús nærri, þar sem engar auglýsingar eru sýndar. Ég fer stundum í þau, en dettur ekki í hug að fara í önnur, eða þessi hér á Íslandi. Þessi tvö bíó eru á sama miðaverði og hin kvikmyndahúsin svo ég trúi alls ekki að auglýsinga sé þörf, nema kannski til að borga fyrir eitthvað óskylt kvikmyndinni, s.s. offjárfestingar á húsnæði eða gróðafíkn eigenda.

Fólk heldur oft að auglýsingar hafi engin áhrif á það en auðvitað væru engar auglýsingar ef þær hefðu engin áhrif. Póker auglýsingar eru alveg jafn slæmar og aðrar -sem hafa það eitt hlutverk að búa til ímyndaða þörf á einhverju rusli.