WORLD economy in biggest financial crisis since the 1930s.

"The world economy is entering a major downturn in the biggest financial crisis since the 1930s, said the International Monetary Fund (IMF). In a hard-hitting report, the IMF warned the global economy was facing its most dangerous crisis for 70 years. World economic growth will slow substantially this year, and only pick up modestly later in 2009, it said." BBC frétt. 

Svo þessi mál eru öll í stærra samhengi.

Ég vann fyrir mörgum árum á gríðarstórri arkitektastofu í New York. Kona sem sá um helstu fjármálahliðar fyrirtækisins var persónulega á kafi í verðbréfunum og öll á iði yfir hækkunum og lækkunum. En þegar ég fór að tala betur við hana kom í ljós að hún notaði bara AUKApeninga í verðbréfin. Hún leit á þau eins og spilavíti, hennar orð, maður tapar stundum og vinnur stundum. Henni datt ekki í hug að setja meginfé sitt í verðbréfin eða taka neina áhættu, sagði slíkt fólk ekki vita hvað það væri að gera."It´s like Las Vegas, only certain types gamble all they have on stocks. If you´re sensible you use your spare change." En henni fannst þetta óskaplega spennandi.

Mér koma alltaf orð þessarar konu til hugar þegar ég heyri að menn tapi gildi verðbréfa sinna. Það er jú áhætta í þessu, ekki gulltrygging. Það er áfall að missa peningana sína, fer nú líka svolítið eftir því hvar þú hefur verið að setja þá sl. árin. Það getur þrátt fyrir allt verið betra að fá bara 5% vexti á sparireikning.

Harmleikur allrar þjóðarinnar

Athugasemdir

[Birgir Guðjónsson (IP-tala skráð) 8.10.2008 kl. 17:02]

Sammála !

Ég á enga vorkunn handa þeim sem tapa fjármagni á hlutabréfum.

Þetta er lottomiði og engin trygging um vinning.

Þetta er ekki fjárfesting, frekar fjárbinding með möguleika á einhverrri ávöxtun !

[Villi Asgeirsson, 8.10.2008 kl. 21:25]

Heyrði um frægan mann sem tók milljóna lán til að kaupa verðbréf. Þau eru auðvitað öll verðlaus í dag, en lánið stendur. Veit ekki hvort hún sé sönn, að hann hafi tekið lán, en það er augljóst að bankarnir hafa verið að leggja allt undir og meira.

[Ólafur Þórðarson, 8.10.2008 kl. 22:33]

Ég held að ástæða sé að hafa áhyggjur af þeim sem voru að festa í verðbréfum. En þeir hafa forgang sem eru að sjá húsnæpislán margfaldast í höfuðstól, afborganir af þeim að hækka mikið. Einnig hafa þeir forgang sem hafa geymt fé sitt á bankabókum og eðlilegum reikningum. Það á ekki að vera áhætta að leggja fé in á sparireikning, en verðbréfakaup hafa þessa áhættu. Við skulum eki gera lítið úr þeim sem hafa tapað stórum fúlgum, hvort sem þeir gerðu stórar villur eða bara áttu svona fjárfestingu í fyrirtækjum.

En ég hefði haldið að deCode dellan fyrir um áratug hefði kennt mönnum lexíu með verðbréfin. Svo virðist ekki vera.