13.10.2012 | 14:05

Spítali í miðri borg.

Hægt er að deila fram og aftur hvar miðja höfuðborgarsvæðisins er. Mér sýnist ein aðferðin setja hana akkúrat hjá kanínupabbanum í Elliðaárdal.

En...er þar borg? Nei, þar er ekki borg. Svæðið er umkringt fjarlægum úthverfum sem í raun eru dreifbýli innan um hraðbrautarflækjur. Örfáir stoppa eða nenna að horfa út frá akreinalínunum. Ef við setjum stóra stofnun þar, eyðileggjum við bæði Elliðarárdalinn (eða annan blett þar sem "miðja" finnst með reglustiku) og möguleika þess að spítali tengist nærliggjandi byggð á annan máta en með bíltengingu.

Það góða við að setja vinnustað í borg er að þá er hann hluti af byggða umhverfinu. Ef rétt er að staðið. Þá t.d. getur starfsfólk farið út í sínu vinnuhlé og sest niður á veitingastað eða kaffihús án þess að setjast upp í bílhylki til að komast eitthvað lengst í burtu. Sama gildir um gesti sem í heimsóknir koma. Almenningssamgöngur liggja mun betur við og kannski jafnvel hægt að sleppa því að keyra. Sem er dásamlegt. Nema í skítakulda og slabbi.

Hitt er svo spurning hvað eigi að gera við þann spítala sem nú er við Hringbrautina, ef byggt væri ofan á kanínupabba. Ef samnýta á þann húsabúnað liggur beinast við að byggja þar við.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Skipulagsmál | Breytt s.d. kl. 14:34 | Slóð | | Athugasemdir (4)

11.10.2012 | 01:22

Nefnifallssýki.


"Ólafur notar nú Facebook á Íslenska."
Lækjarhvammur (Facebook) er með nefnifallssýki. Eins og aðrir tungumálavírusar mun sýkin með tíð og tíma breiðast út. Fyrst mun þessi notkun teljast fyndin, fólk hermir eftir nefnifallsnotkun og svo venst það og mun naga skarð í íslenskuna. Fallbeyging gæti orðið óþörf, jafnvel ókúl að margra mati og talist til fornaldarmáls.

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 01:53 | Slóð | | Athugasemdir (1)

4.10.2012 | 02:17

Patterson Field, litli flugvöllurinn í Keflavík

Hér á loftmynd sést flugvöllur sem Bandaríkjamenn byggðu 1942 í Keflavík. Eða það sem eftir er af honum. Hann var kallaður Patterson Field og notaður fyrir orrustuvélar. Stærðin á honum er ekki ósvipuð Reykjavíkurflugvelli eins og hann var fyrst. 

Seinna byrjuðu Bandaríkjamenn á stóra vellinum sem dugði fyrir stórar langdrægar sprengjuvélar. Sá er svo völlurinn sem íslendingar nota í dag fyrir millilandaflug. Á meðan hefur Patterson field gleymst, þó hann hafi sögulega séð gegnt mikilvægu hlutverki og spurning hvort ekki eigi að vernda hann sem stríðsminjar.

patterson field

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Samgöngur | Breytt s.d. kl. 02:18 | Slóð | | Athugasemdir (0)

3.10.2012 | 15:05

Hlemmur: Miðpunktur í Reykjavík.

Hlemmur er miðpunktur í Reykjavík sem í göngufæri þjónar stóru og afar fjölbreyttu svæði. Það nær austur að Höfðatúni og upp Holtin. Í suðri tengir Hlemmur Rauðarárstíg og Norðurmýri. Í SV og vestri tengist áhrifasvæðið vel inn á Snorrabraut að Domus Medica og Austurbæjarskóla (560m) og þar niður Njálsgötu, Grettisgötu, Hverfisgötu og inn í hluta Skuggahverfis.

Hlemmur-miðpunktur í þéttri byggð.

Þetta er blönduð og þétt byggð sem er sérstæð, þó skipulag í svipuðum dúr megi finna á svæðinu vesturúr, allt að að Framnes- og Seljavegi.

Tenging Hlemms er sérstaklega mikilvæg því ás liggur niður Laugaveg niður á Lækjartorg ásamt hinum samhliða götunum neðan og ofan. Þessi ás þjónar gangandi vegfarendum og borginni nokkuð vel og er krítískur til að miðbærinn haldist lifandi og að Reykjavík sé með alvöru miðbæ. Hlemmur er því einn endi þessa áss en einnig miðpunktur mikilvægs borgarsvæðis, sem er ekki endilega talið í hausum á einsleitum vinnustöðvapunktum, heldur því borgarmynstri sem mótast af fjölbreyttri og þéttri byggð. Þetta borgarmynstur er að töluverðu leyti okkar arfur frá tíma samheldnari skipulagshugmynda og nær utan um þann kúltúr sem kallast eiginleg borg. Sá kúltúr sem er á þessu svæði breytist með tímanum eins og í öðrum borgum og með réttu átaki er hægt að reka stoðir undir velgengni hans. Með röngum áherslum er hægt að skemma miðpunktinn.

Strætómiðstöð gegnir þarna miðjuhlutverki í að dreifa gangandi til og frá svæðinu og er krítísk til að framtíðar uppbygging svæðisins geti farið fram, m.a. í að laga þessar skipulagsvillur síðan upp úr 1960.

Síðustu ár hafa strætisvagnar tekið yfir sístækkandi svæði í kringum Hlemm. Sem miðstöð má segja að Hlemmur hafi orðið stórkarlalegt strætóbílaflæmi sem er úr takti við æskilegt fíngerðara mynstur umhverfisins. Húsið, sem upphaflega átti að veita skjól í bið eftir strætó gerir það einungis að hluta til og nokkrir stopppunktar eru í hefðbundnum útiskýlum.

Vandinn gæti falist í því að bið farþega og bið vagnstjóra eru ekki sami hluturinn. Spurningin er hvort allir þessir strætóar eigi að bíða þarna og rýra gæði svæðisins. Eða hvort að strætóar eigi að bíða annars staðar og farþegar þá þar líka. BSÍ er á berangurslegu svæði og fátt þar við 1) en kannski er rétt að eitthvað af strætóbiðinni fari þangað, þar er aðstaða fyrir svona stóra bíla og góð biðstaða inni í sal. Ekki er verra að með því fæst betri tenging í rútuferðir.

Vel heppnaður Hlemmur felst að stóru leyti í hvernig smækka má þetta fyrirkomulag en að flestir strætóar stoppi á punktinum. Hvernig sem þetta verður gert er mikilvægast í lausninni að farþegar skynji Hlemm sem mikilvægann bið- og miðpunkt farþegaþjónustu. -Í hreinu aðlaðandi húsnæði með þægilegri og góðri þjónustu og nálægð við annað það sem skemmtileg borg hefur upp á að bjóða. 

Þetta eru nú svona almennar hugleiðingar um mikilvægi Hlemms hvað snýr að strætó.

 

1) Háskólatorg er í 1100m labbi í vestur frá BSÍ (svipað og Hlemmur-Lækjartorg). Í fæðingardeild Landspítala eru rúmlega 300m en í bensínstöðina eru um 230m. 


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Skipulagsmál | Breytt s.d. kl. 15:25 | Slóð | | Athugasemdir (0)

21.10.2011 | 15:16

Lausnin felst í minnkuðum hraða.

Ég er sammála því að umferð er um alla borg of hröð. Það væri fínt að setja 15-20km hraðatakmarkanir á Hofsvallagötu eins og þarf að gera með mikið af borginni.

Ég bara vona að menn fari ekki að breyta þessari gamalgrónu götu líka í botnlangagötu, sem væri almennt séð hin versta skemmd á gatnamynstrinu.

Sumir segja of mikla umferð um götuna. Ég veit ekki hvað það á að þýða... umferð verður að fara einhvers staðar og ef hún væri snarminnkuð þarna þá eykst hún að sama skapi annars staðar, eins og t.d. á Hringbrautinni.

Kannski er einmitt aðal-málið að fá hraða minnkaðan á Hringbrautinni sjálfri, það myndi ósjálfrátt minnka hann á götunum sem eru inn af henni.

Ég mæli með 35km/klst á Hringbraut og 20km/klst á Hofsvallagötu. Þessi hraði er eðlilegasta þróunin og ódýrasta lausnin, svona til að byrja einhvers staðar. Fleiri stopp merki hjálpa heilmikið til og svo mætti löggan gefa fleiri hraðasektir.

Og þegar búið er að þjálfa ökumenn í að þeir megi ekki keyra eins hratt og þá langar til, þá að sama skapi eykst öryggið fyrir gangandi og hjólandi.


mbl.is Vilja breyta Hofsvallagötu
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 15:17 | Slóð | | Athugasemdir (0)

6.5.2011 | 16:01

Og svo er það... RÚV vefsíðan

Það er eitt ef menn deila um útsendingu tónlistarviðburðar.

Hitt er annað mál að hin mikilvæga vefsíða RÚV virkar sjaldan fyrir mig og heldur ekki svo marga sem ég tala við. Oftast þegar ég fer til að horfa kemur eitthvað Plugg-in vandamál sem er orðið svo krónískt og þreytandi að ég er hættur að nenna að standa í þessum RÚV-vefsíðum. Hér á heimili eru notuð 3 stýrikerfi með Chrome, Firefox og Safari. Og sjaldnast að ég geti stólað á að RÚV vefsíðan virki, þ.e. að maður geti bara horft á sjónvarpið eins auðveldlega og menn horfa á YouTube.

Það virðist sifellt þurfa einhverjar uppfærslur eða það bara virkar ekki.

Svo ég held að umræðan ætti að snúast um mikilvægasta mál RÚV, sem er vefsíða með góðu aðgengi og vandamálalausu fyrir alla. Efni sem nær langt aftur í tímann og geti þjónað sem eins konar fjölmiðlasafn.

Einnig vil ég benda á að þegar Íslendingar eru með börn erlendis munar mikilu að RÚV hafi góðan netaðgang að Íslensku barnaefni. Bara upp á að börnin nái Íslenskri tungu og skilji eigin menningu. Er er það mjög takmarkað á vefsíðunni og myndi ég glaður borga eitthvað smá til að fá aðgang að barnaefninu.

Vil benda á að vefsíður RÚV mættu taka sér til hliðsjónar hvernig YouTube fer að því að birta efni, eins og hvernig Netflix er með prógram þar sem maður greiðir eitthvað smáræði til að fá aðgang að ýmsu myndefni.


mbl.is Útvarpsstjóri svaraði bloggara
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 16:16 | Slóð | | Athugasemdir (3)

26.2.2011 | 18:36

Skrýtin frétt: Umskurðarherferð í Swazilandi.

"Stjórnvöld í Svasílandi hrintu í dag af stað átaki til þess að fá karlmenn til að láta umskera sig til þess að reyna að berjast gegn útbreiðslu HIV-veirunnar."

Ef þetta er áherzlan, þá verður maður að spyrja hvað er í gangi. Í Swazilandi er hildarleikur í gangi þar sem stór hluti þjóðarinnar er smitaður af HIV. Nú á að taka á þessu með umskurði karlmanna sem skv. ransókn á að hafa áhrif á smitleiðir.

Mig langar mikið til að vita hvers vegna í umskornum Bandaríkjunum er HIV smit SEX SINNUM hærra en í ó-umskorinni Svíþjóð. Þarf einhverjar frekari kannanir við en þessa?

Er ekki málið að AIDS forvarnir hafa bara sáralítið ef eitthvað með forhúðir að gera? Er ekki málið að stórar forvarnar áherslur felast í öllu öðru en að umskera karlmenn í massavís?

Maður spyr sig hvort hér séu læknar og lyfjafyrirtæki í "forhúðarbransanum?" Eða, er ég að missa af einhverjum sérstökum upplýsingum? Einhver er jú að græða á þessu eins og venjulega.


mbl.is Umskurn gegn HIV
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 18:53 | Slóð | | Athugasemdir (0)

8.1.2011 | 19:53

Dómsmál

Er Bandaríska ráðuneytið að undirbúa dómsmál og þessi beiðni um tweeter skilaboð beintengd því?
mbl.is Twitter gert að afhenda öll skilaboð Birgittu
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

10.12.2010 | 04:54

Dow Jones lækkar.

" Dow Jones hlutabréfavísitalan lækkaði um 0,02% í bandarísku..."

  Núll-komma-núll-tvö... takk fyrir að láta mann vita!


mbl.is Hækkanir og lækkanir vestra
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt 12.12.2010 kl. 04:54 | Slóð | | Athugasemdir (0)

9.12.2010 | 13:52

Skattgreiðslur auðkýfinga.


 


mbl.is Gefa helming auðæfa sinna
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (1)

22.10.2010 | 14:05

Það áhugaverðasta er...

...að "Pentagon biðlaði til fjölmiðla að auðvelda ekki dreifingu leynigagna um Írak og reyna að forðast að fjalla um málið..."

Leyfum sólinni að skína.


mbl.is Nató segir WikiLeaks ógna mannslífum
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

4.10.2010 | 14:24

Algrími, orðskrípi?

Ég er nú eiginlega sammála sumum að "algrími" hljómar eiginlega sem óttalegt orðskrípi, hvort sem menn telja það löglegt eður ei skv. orðabók eða ámóta formlegum eða óformlegum lagasetningum.

Er orðið innantómt hljóðlíkis-afskrælmi á Enska orðinu? Bara svona "djók?" Spurningin er hvað "al" og "grími" þýðir á Íslensku, eða "alg" og "rími."

Eru þetta orð?

Í fljótu bragði mætti halda að á Ensku sé orðið samsett af "Algo" og "rithm."

En í ljós kemur að orðið byrjaði endur fyrir löngu með Persneskum stærðfræðing sem hét Al Kwarizmi. Í gegnum latínu breytti hann sínu nafni í titil á verki sínu "Algoritmi on the numbers..." Hann skrifaði líka ritið "algebra" sem hefur með tímanum komið til með að þýða "decimal number system" eða "Algorism."

"Algorithm" er skylt orðinu "logarithm." Þar sem orðið arithmetic" mætti kannski bara þýða sem reikning eða reiknilist.

Taka skal fram að "rithm" er ekki sama og "rhythm."

Þá er spurning hvort "algrími" sé ekki álíka gott íslenskt orð og "elliveitidda" væri fyrir "lyftu."

Spurningin er hvort algrímur sé einfalt djók frekar en orð sem lýtur reglum Íslenskrar tungu.

Jæja, nú ætla ég að "meika einn OSOM kaffi" og fara að vinna!


mbl.is Hrunið rakið til algríms
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

4.9.2010 | 19:12

Eðlilegar sektir fyrir bíla-yfirgang.

Mér dettur nú helst í hug að alvöru íþróttamenn skokka eða hjóla á leikinn. Eða ef erfitt er að fá bílastæði við dyrnar, þá prófið að leggja í Síðumúlanum eða hjá Ármúlaskóla og labbið 150m.

Ég veit það er langt, en allt í lagi að reyna. Og ekki sakar að fá smá ferskt loft fyrir og eftir spenninginn.

Að óseku má líka byrja að sekta almennilega fyrir að leggja á hjólreiðastígum, hraðakstri og þegar ökumenn gefa ekki stefnuljós. Ég vil sjá lögguna taka svolítið á í þessum málum og ekki sakar að fá peninga í kassann hjá borginni.


mbl.is Sjötíu fengu sekt á leiknum
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (1)

22.7.2010 | 17:54

1+1=1

Virkjun árinnar er kannski ágætt mál. En færsla vegarins út úr bænum er bara tóm della fyrir Selfoss. Eins og ég hef reyndar skrifað um síðan hugmyndin dúkkaði upp.

Með minnkandi gegnumflæði koma minnkandi tekjur. Bílar geta vel hægt á sér þennan eina kílómeter eða hvað það er sem tekur að fara í gegnum Selfoss.

Ef þeir geta það ekki, er máski spurning um að gefa ferðalöngum rítalín á brúnni.


mbl.is Skoða rennslisvirkjun í Ölfusá
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

11.7.2010 | 23:29

1300 ár.

Elstu vísindamælingar um byggðir á Páskaeyjum benda á landnám Páskaeyja um 700-1100, svo eitthvað er aldurinn á svipuðu reiki og Íslensku landnámi.

Stytturnar eru því ekki eldri en 1300 ára og þá líklegast mun yngri.


mbl.is Fagnaðarlæti á Páskaeyju
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt 12.7.2010 kl. 03:28 | Slóð | | Athugasemdir (1)

9.7.2010 | 12:54

Akureyringar missa af Desparate Housewifes

Athugasemdir hafa borist frá fjölda Akureyringa um að þjóðveginum verði breytt nærri Blönduósi og að grösug tún verði malbikuð fyrir þá, helst í rauðum lit, svo þeir geti komist 10 mínútum fyrr í að horfa á sjónvarpið. Einnig á að byggja eitt stk. nýja brú yfir Blöndu fyrir þá. Endursýningar á Desparate Housewifes eru að fara að byrja og hreinn ógerningur að ná í þættina nema lagt sé fyrr af stað.

Allt vegna þess að keyrt er rétt utan í Blönduósi.

Sumir jafnvel slysast inn í sjoppuna til að ná sér í pylsu og ís handa börnunum.

"Þá missir maður jaFnvel af hálFum þætti!" Kveður í einum.


mbl.is Vilja styttri þjóðveg
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt 23.11.2011 kl. 02:25 | Slóð | | Athugasemdir (0)

30.5.2010 | 22:43

Þú mátt ekki vera lúser.

Þetta hefur verið stór hluti í uppeldi okkar allra, sl. áratug(i). Reyna að snapa sér hærri laun. Lélegustu stjórnendurnir komast í stjórnun, eiga stærsta ruslahauginn. Launasamanburður eins og að tékka hvort epla-lógó sé á tölvu hins.

Börn á fermingaraldri eru meðvituð um þessa lífs-heimtingu og skal engann undra ef óánægja og þunglyndi neytandans felst í litlum skilningi á nægjusemi.


mbl.is Launasamanburður leiðir til óhamingju
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (2)

27.5.2010 | 13:18

Vitlaus hola!

Að hella vodka í augun? Ég hlýt að vera eitthvað lengi að fatta. Drekk koníak og ýmis vín bragðsins vegna, enda mörg bara hreint afbragð.

Maður á að drekka vín með munninum, ekki augunum, eyrunum eða rassinum.


mbl.is Hættulegur drykkjuleikur nær vinsældum
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

20.5.2010 | 03:08

Sammála ESB

Sammála framkvæmdastjórn ESB og ég efast líka sko.

Hef alltaf efast stórlega um ESB aðild.

Nú er lag að spara og draga umsóknina til baka.

Þetta er klárlega tímasóun, peningasóun og truflar landsmenn við þarfari verk.

Að lokum legg ég til að braskarar á alþingi verði sendir á plankann hið snarasta.


mbl.is ESB efast um umsókn
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

18.5.2010 | 14:32

Þjóðnýtingu strax.

"Seljum okkur sem 3 tommur í stað 5." Bla bla. "45 ár í stað 60."

Helvítis kjaftæði er þetta. Að selja gróðafíklum orkuverin.

Hvernig væri að þjóðnýta þessa orkuveitu komplett og hætta þessu helvítis braski með fjöregg þjóðarinnar?


mbl.is Vilja viðræður við Magma
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 14:55 | Slóð | | Athugasemdir (1)

Næsta síða »

 

Ólafur Þórðarson

Þetta er blogg frá Manhattan.  Þetta blogg er sambland af faglegu blaðri og ýmsum skoðunum á þjóðfélagslegum hlutum.Ég hef til langs tíma verið gagnrýnandi í arkitektúr-, hönnunar- og borgarskipulagsdeildum ýmissa ágætra háskóla á austurströnd BNA. Þar fyrir utan reyni ég að lesa bækur um ýmis samfélagsmál og tengja saman í stærri heimsmynd.

Öll skynsamleg komment eru velkomin og vel þegin og gætu fengið ítarlegt svar.

Varðandi nafnleysingjaparanoju, þá heiti ég Ólafur Þórðarson. Bú!

Allt efni er höfundarvarið, en má dreifa ef getið er hvaðan það kemur.

Heimsóknir

Flettingar

  • Í dag (20.11.): 0
  • Sl. sólarhring:
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband