veffari

12.3.2009 | 00:45

iPod eða SansaClip

Flottur þessi nýji iPod Shuffle. Hann getur talað við mann. Það er víst hægt að láta grafa nafnið sitt á hann.

Nú veit ég ekki hversu mörg tungumál tónlistarspilari þarf að geta talað, eða að hann þurfi á annað borð að tala við mann. Ég á "venulegann" iPod og nota hann bara aldrei.

Félagi minn Palli benti mér nefnilega á svona Sansa Clip spilara, ódýr og svartur. Lítill, minni en eldspýtustokkur, svona aðeins stærri en þessi shuffle. Mér er svo sem sama um hvort er minna, maður verður nú að geta ýtt á takkana án þess að þurfa tannstöngul.

Veit einhver hvort hljómgæðin eru betri í þessari nýju Shuffle? Eða ef einhver veit um MP3 upptöku tæki með betri hljómgæðum þætti mér vænt um að vita.

En þessi Sansa er á helmingi minna verði hér í New York. Það góða við Sansa er að í honum er líka afbragðs útvarp. Já og líka hægt að taka upp hljóð með honum þ.e. ef maður fer á fyrirlestur getur maður tekið upp.

Fyrir einn svona iPod shuffle get ég s.s. keypt 2 stk Sansa Clip sem er þá líka útvarp og með innbyggðum míkrófón. Þetta er nú ekki erfitt val fyrir mig.

Nú er ég með 3 stk svona Sansa Clip spilara; einn sem ég er alltaf með á mér, til að taka upp minnispunkta ef ég er gangandi og ýmis hljóð og stundum spila lög.

Annar er tengdur sem útvarp við græjurnar og bara með download-fyrlrlestrum og slíku.

Sá þriðji er bara með barnalögum og barnaleikritum á Íslensku svo unga daman mín geti lært móðurmálið. Sá er ýmist í barnaherberginu eða í hjólakerrunni.

Ég skrapaði nafn fyrir hvern um sig með skrúfjárni. Upphafsstafi dótturinnar o.s.frv.

Jæja, nú hef ég svipt hulunni af því sem ég nota. Enda er ég oftast frekar praktískur.

Svo er líka að ef ég týni einum eða missi óvart undir valtara, þá er mér svona næstum sama. Uss, kaupi bara nýjann á um $40- En kannski eru hljómgæðin betri í iPodShuffle? Og kannski er til spilari með betri upptökugæðum? Þætti gaman að heyra álit

	Apple kynnir öflugri en minni iPod shuffle
Ábyrgðarmaður færslu Tilkynna um óviðeigandi tengingu við frétt

Meginflokkur: Tölvur og tækni | Aukaflokkar: Kjaramál, Tónlist, Viðskipti og fjármál | Breytt s.d. kl. 00:55 | Facebook

Athugasemdir

Ótrúlega flottur spilari.

Hilmar Gunnlaugsson, 12.3.2009 kl. 15:28

Get ég ekki platað þig til að senda mér eins og tvo svona spilara? :P Fæ þá ekki hér, í þessum heimshluta.

Skorrdal (IP-tala skráð) 12.3.2009 kl. 17:42

iPod eða Sansa?

Ólafur Þórðarson, 12.3.2009 kl. 18:55

Sansa - en ekki hvað? :P ;) Höldum okkar SÖNSUM! Hehe

Skorrdal (IP-tala skráð) 12.3.2009 kl. 19:58

veffari@gmail.com

Ólafur Þórðarson, 12.3.2009 kl. 20:43

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Þetta er blogg frá Manhattan. Þetta blogg er sambland af faglegu blaðri og ýmsum skoðunum á þjóðfélagslegum hlutum.Ég hef til langs tíma verið gagnrýnandi í arkitektúr-, hönnunar- og borgarskipulagsdeildum ýmissa ágætra háskóla á austurströnd BNA. Þar fyrir utan reyni ég að lesa bækur um ýmis samfélagsmál og tengja saman í stærri heimsmynd.

Öll skynsamleg komment eru velkomin og vel þegin og gætu fengið ítarlegt svar.

Varðandi nafnleysingjaparanoju, þá heiti ég Ólafur Þórðarson. Bú!

Allt efni er höfundarvarið, en má dreifa ef getið er hvaðan það kemur.

Nýjustu færslur

Heimsóknir

Flettingar

Í dag (21.11.): 0
Sl. sólarhring:
Sl. viku: 2
Frá upphafi: 0

Annað

Innlit í dag: 0
Innlit sl. viku: 2
Gestir í dag: 0
IP-tölur í dag: 0

Uppfært á 3 mín. fresti.
Skýringar

Bloggvinir

Tenglar

MIKILVÆGIR TENGLAR

Gegnumgangur-Passage

Á FACEBOOK
Skrýmsli í ráðhúsinu! Sýning 2007
EILÍFÐARDRAUMURINN Listaverk mitt nú í smíðum á Seyðisfirði
Gegnumgangur nýja bókin mín Nýja bókin um verk mín
Miðbær á Akureyri Hugmynd mín að nýjum miðbæ á Akureyri
EGGIN, rit um stjórnmál og samfélag.

Bækur

Lesnar á allra síðustu árum (hálflesið og ýmislegt drasl undanskilið)

K. Michael Hays: Sanctuaries-The last works of John Hejduk
Ágætt samansafn, góðir textar, verkin svona þokkaleg.
****
Louis Uchitelle: The Disposable American
Er að lesa, merkilegt hingað til. Ekki fyrir áhangendur Reaganismans, gæti skemmt brothætta heilastarfsemi í einstrengislegum einkavæðingarsinnum.
Daniel Yergin: The Prize
Saga olíuvinnslu- og sölu. Frábær doðrantur um einn af mikilvægari hliðargöngum mannkynssögunnar 1860-1990. Þræðir vel inn í áberandi og minna áberandi viðburði á þessu tímabili. Meira "neutral" í málflutningi fyrri partinn en þann seinni. Samt ágætt rit fyrir kommúniskt-sjúka til að skilja mikilvægi markaðsins og hlutverk fyrirtækja almennt. Frábær bók.
*****
Stefán Snævarr: Ástarspekt -greinar um heimspeki (ISBN: 9979-66-141-0)
Afar ítarleg nálgun á ýmis viðfangsefni nær og fjær í tíma og rúmi. Stefán flokkar bókina í skoðun á hinu sanna, hinu góða, hið fagra og að auki með viðbót sem tekur sértaklega fyrir gildi íslenskrar tungu. Stefán dregur saman efni víða að, frá Platón til Bob Dylan og er reyndar líka mjög gott heimildasafn fyrir þá sem hafa áhuga á að kaupa bók sem er gluggi inn í hinn víða heim heimspekinnar.
*****
Sebastian Haffner: The meaning of Hitler (ISBN: 0-674-55775-1)
Tekur skýrmerkilega á viðfangsefninu og hefur góða stjórn á þeim vinkli sem hann setur fram. Fer kerfisbundið í gegnum glansmyndirnar og hvað í raun bjó að baki þeim.
*****
Charles Mann: 1491
Snilldarbók sem dregur fram rannsóknir með hvað Ameríkuindíánar hafa í raun búið lengi í álfunni: Voru farnir að byggja samfélög fyrir tíma Mesópótamíu. Mæli sterklega með þessari.
*****
Helen Leavitt: Superhighway-Superhoax
Þessi bók er frá 1968 og ég fann fyrir rúmum áratug orginal útgáfuna, notað eintak. Var að klára hana aftur. Titillinn að vísu barn síns tíma og hefði mátt vera annar, t.d. superhighway and big business fraud-eitthvað. Einkavæðing á massívum skala. Uppbygging hraðbrautarkerfis Bandaríkjanna uppúr seinni heimsstyrjöld og útrýming almenningssamgangna. Af sömu aðilum. "Fjárfestum." Sannarlega er bíllinn Monopoly og ekki það frjálsræði sem auglýst er. Þessi bók er frekar þurr lestrar enda endalausar blaðagreina- og fundatilvitnanir. En góð er hún og gott uppflettirit ef verið er að velta þessum málum fyrir sér. Spilling einkavæðingarinnar í mínum ástkæru Bandaríkjum á fullu þegar Íslendingar voru á öfugri keyrslu.
*****
Charles C. Mann: 1491
Einstaklega áhugaverð lesning. Sýnir hvernig vísindarannsóknir eru háðar duttlungum vísindamanna og er í stöðugri þróun.
*****
Alain de Botton: The Architecture of Happiness
Bjóst við meiru. Sumt er alveg ágætt en höfundur fer oft út í einhverja la di da sálma sem þjást af endurtekningarsýki og fullyrðingum sem ekki standast fyrir alla.
***
Einar Már Jónsson: Bréf til Maríu
Michael Parenti: America Besieged
Stephen Kinzer: All The Shah´s Men-An American Coup and the Roots of Middle East Terror
Mæli sterklega með þessari, nokkuð ítarleg lýsing á atburðarásum sem eru flestum hulin. Áhrifarík og varpar einhverju ljósi á stöðu mála í dag.
*****
Ghada Karmi: In Search Of Fatima
Ahmed Rashid: JIHAD-The Rise of Militant Islam in Central Asia
Todd Gitlin: Media Unlimited
Þunnt. Ekki þess virði að lesa. Gitlin hefur gert góða hluti en þetta er tannlaust kvikyndi og gangslaust í að skilja pressuna.
*
Barbara Ehrenreich: Nickel and Dimed-On (Not) Getting By in America
Þrátt fyrir gott approach í heimildarsöfnun þykir mér bókin leka svoldið þeirri staðreynd að kannski þurfi höfundurinn ekki að vinna og sé þess vegna með svoldið undarleg gleraugu fyrir lesandann að skoða efnið í gegnum. Ýmsar áhugaverðar upplýsingar koma þarna í gegn, samt sem áður.
***
David Callahan: The Cheating Culture
Þessi bók er afar áhugaverð því hún snertir á svo mörgu sem er í gangi hvað varðar svindl og svínarí. Hún er helst til "höll undir Demókrata" en ætti að vera hlutlausari greining á þessum vandamálum.
****
Jane Jacobs: The Death And Life of Great American Cities
Borgarskipulag, einn góður og ítarlegur flötur sem allir ættu að lesa.
*****
J. D. Salinger: The Catcher in The Rye
Jean-Paul Sartre: Age of Reason
Plato: The Republic
Mortimer J. Adler/Doren: How To Read A Book
Paulo Coelho: Alkemistinn
George Monbiot: Manifesto For a New World Order
David Deutsch: The Fabric of Reality
Michel Foucault: The Order of Things
Emile Zola: The Conquest of Plassans
Gríðarlega fallega skrifuð bók. Gríp í hana (Enska þýðingu) við og við og það er eins og maður droppi inn í lifandi heim hennar á augabragði.
*****
Fritjof Capra: The Web Of Life
David K. Shipler: The Working Poor-Invisible in America
Frjálshyggjumaður: Lestu þessa bók tvisvar. Sláandi efni um raunveruleika stórs hluta Ameríkana. Þessa hluta sem ekki er samdauna Hollywoodsjóinu. Gamli frasinn um "Land tækifæranna" fær aðra merkingu.
*****
Richard Dawkins: The GOD Delusion
Chris Hedges: What Every Person Should Know About War
Afar áhugaverð bók, skrifuð af blaðamanni sem hefur dekkað fullt af stríðum. Mæli sterklega með henni, sérstaklega ef þú heldur að Ísland eigi að stofna her.
*****
Chris Hedges: WAR is a force that gives us meaning
Nils Christe: Crime Control as Industry
Scott Ritter: Iraq Confidential
Óheyrilega leiðinleg bók, en mikilvæg sem pólitískt bakbein. Hér koma fram upplýsingar um hvað var vitað fyrir þessa klikkuðu inn/árás á Írak sem hefur breytt landinu í helvíti. Saga Íraks rekin meira og minna með tilliti til Persaflóastríðs 1991 og síðan.
***
John Iceland: Poverty in America
Donald Kroodsma: The Singing Life of Birds
Eric Schlosser: Fast Food Nation
Mjög góð, gott innlegg í þessa þjóðfélagsvöltun sem er að eiga sér stað í gegnum nafnlaus risaapparöt.
*****
Arthur Schopenhauer: The Basis of Morality
Jonathan Kozol: Savage Inequalities
Bók sem tekur fyrir skólamál í USA. Ójöfnuð og opnar augu manna við hvernig kerfisgallar viðhalda rasisma og fordómafullum forsendum. Vara við að þessi lesning er ekki fyrir hvern sem er og er frekar heavy. En góð er hún og fræðandi um hvað ójöfnuður í aðgengi skóla getur þýtt.
*****
Zbigniew Brzezinski: The Grand Chessboard
Las þessa fljótlega eftir að hún kom út og fannst hún þá frekar scary. Hún batnar með aldrinum og holl lesning ef menn vilja skilja meira í heimspólitíkinni. Hana mætti lesa með hliðsjón af bók sem skýrir pólitíkina út frá stöðu Rússa, bara svona sem balans.
*****
Gore Vidal: Dreaming War
Að venju beittur stíll og hvetjandi til dáða. En hvort hann talar í staðreyndum eða taki sér leyfi skáldsins er oft erfitt að sjá án þess að þekkja viðfangsefnin vel.
****
Henry Hazlitt: Economics in One Lesson
Þessi bók er svo illa skrifuð að hún kemst ekki framhjá "beinagrindarformatinu." Ég þyrfti að skrifa heila bók til að útskýra hvers vegna þessi bók er svona hálfvitaleg eins og raun ber vitni. Aðra bók um af hverju vanvitar lesa og taka TRÚanlega. Sannarlega ein af vitlausustu bókum sem ég hef lesið. Hlátursköll á hverri blaðsíðu. Uppfull af fullyrðingum sem standast ekki raunveruleikann og gleyma hinum einföldustu mannlegum þáttum. Ég giska á að þetta sé bara venjuleg áróðursbók, tilkostuð af einhverjum bröskurum.
*
Christopher Hitchens: A Long Short War
Þessi bók kemur mér fyrir sjónir sem áróður greiddur af einhverjum sem græða á svona útgáfum.
**
Noam Chomsky: Rogue States
Richard A. Clarke: Against all enemies
**
G.M. Gilbert: Nuremberg Diary
Afar áhugaverð bók. Lestu hana.
*****
Eduardo Galeano: Upside Down: A primer for the looking-glass world
Afar áhugaverðar póetískar vangaveltur um ýmis þjóðþrifamál og hluti sem oft eru afgreiddir billega.
*****

Nota bene

TENGLAR ÓÞ

http://palestinian.ning.com/forum/topics/the-other-side-of-the-story

http://www.vision-akureyri.is/exseq.asp?s=122

http://skrymslin.blogspot.com/

http://gegnumgangur-passage.blogspot.com/