Bíla-skolplagnir í stað flugvallar í Vatnsmýri?

Flugvöllurinn í Reykjavík er fínn þar sem hann er. Þvílík þægindi að geta komist út á land með 5-10 mín keyrslu út á völl. Verst að bara forréttindahópar fá að lenda þarna í millilandafluginu á sínum einkaþotum, "við hin" þurfum að höktast 45 mín keyrslu þennan leiðinda Keflavíkurveg.

Með flugvelli helst svæðið opið. Þar fyrir utan stórefast ég um hvort borgarskipulagið og aðstandandi aðilar sé fært um að byggja almennilega á þessu svæði. Miðað við hvernig borgin hefir þróast á síðustu áratugum er augljóst að bílastæðin og bílamannvirkin myndu taka meira pláss á þessu svæði en sjálfar flugbrautirnar gera í dag.

Ég held fram að það eigi allavega að bíða þar til menn verði hæfir til að búa til almennilega þétta margþætta og mannlega borg. Ekki þetta bíla-skolplagnakerfi. Þangað til er best að ekki eyða góðri landspildu í enn ein skipulagsmistökin og bara bíða þess tíma þegar skipulagið stígur í vitið.

Vatnsmýri fram yfir Geldinganes

Athugasemdir

[Ólafur Þórðarson, 3.10.2007 kl. 22:32]

Er ekki betra að hafa flugvöllinn þarna og hanna golfvelli nálægt flugvöllum um allt land? Þá er hægt að fljúga landshluta á milli eins og golfbolti í leit að holu.

Það styttist tíminn í að háskóli verði byggður rétt undir skóglendinu í Öskjuhlíð. Þá rýrist útiverugildið eitthvað.

[Sigurður Viktor Úlfarsson, 4.10.2007 kl. 18:53]

Athyglisverð mynd sem segir margt um skipulagið á höfuðborgarsvæðinu. 

Sambærileg mynd var birt í Blaðinu minnir mig um daginn þar sem sýnd var yfirlitsmyndi yfir Laugardalinn.  Verið er að byggja á flestum grænum blettum í dalnum í stað þess að byggja ofan á öll bílastæðin sem taka hálfan dalinn meðfram stúkunni, fjölskyldugarðinum, sundlaugunum og víðar.  Byggjum ofan á bílastæði borgarinnar og hættum að eyða góðu landsvæði í bílastæði.