Hagnaður tannlækna jókst í samræmi við ofurhagnað Coca Cola

Gleymdist ekki að segja alla söguna í þessari frétt? 

 

Það er ekki bara Coca Cola sem hagnast á tanneyðingardrykkjum og sælgæti í vökvaformi. Amerískir tannlæknar eru furðulegir, þeir sem ég hef farið til eru eins og bílasalar og æsast mikið við að sjá fram á stórgróða í skolti manns. Er það ekki frábært líka þegar þeir græða?

Eins og venjulega virðist einblínt á að eitthvað fyrirtæki þéni svona og svo mikið eins og það skipti einhverju fjandans máli fyrir okkur? Coca Cola græddi 1,21 milljarði dali eitthvað bla bla. Kommon. Er landinn orðinn svona djúpt sokkinn í aurasýkinni að halda að þetta sé eitthvað merkilegt? Þetta er tilkynnt á mbl vefsíðu innan um blikkdrasl auglýsingar. Þessi frá Icelandair hefur verið að ljúga með eitthvað tilboð á $370 sem svo stenst ekki. Lygarar. Og öllum er sama nema einhverjum fámennum brask hóp sem bíður spenntur eftir að sjá hvað Icelandair græddi á árinu. Hvað græddu þeir svo mikið á lyginni einni saman og já var það ekki bara frábærastast af því öllu saman. Að ljúga og komast upp með það. Það þykir jafn flott og að stela. Hvað þá að stela og stilla svo húseigendum upp við vegg og hóta að fara með þýfið úr landi.

Í kvöld pantaði ég mér tvær bækur: 

The Disposable American: Layoffs and Their Consequences.

og 

The Prize: The Epic Quest for Oil, Money and Power.

Vonandi verða þær betri lesning.  

Hagnaður Coca-Cola jókst um 79%

Athugasemdir

[Róbert Björnsson, 14.2.2008 kl. 07:40]

talandi um Ameríska tannlækna... veistu hvort er yfir höfuð hagstæðara að láta gera við stellið hér í Ameríku eða á Íslandi?  

Ég er búinn að fresta rótarfyllingu í mörg ár...aðallega þó vegna odontophobíu á háu stigi.  Hefurðu séð splattermyndina "The Dentist"???

[Ólafur Þórðarson, 15.2.2008 kl. 19:37]

Ekki hef ég séð myndina. En tveir amerískir tannlæknar vildu spæna flesta jaxla mína niður að rót og rótfylla etc. Íslenskur tannlæknir sem ég treysti sagði það vera út í hött og áhættusamt. Svo ég er enn með mínar tennur en ekki svona gerfilímtofanárót. En þeir græða á þessu tannlæknarnir. Skal ekki segja að mitt tilfelli sé eitthvað týpískt, en ég læt gera við tennur á Fróni.