Lausnin felst í minnkuðum hraða.

Ég er sammála því að umferð er um alla borg of hröð. Það væri fínt að setja 15-20km hraðatakmarkanir á Hofsvallagötu eins og þarf að gera með mikið af borginni.

Ég bara vona að menn fari ekki að breyta þessari gamalgrónu götu líka í botnlangagötu, sem væri almennt séð hin versta skemmd á gatnamynstrinu.

Sumir segja of mikla umferð um götuna. Ég veit ekki hvað það á að þýða... umferð verður að fara einhvers staðar og ef hún væri snarminnkuð þarna þá eykst hún að sama skapi annars staðar, eins og t.d. á Hringbrautinni.

Kannski er einmitt aðal-málið að fá hraða minnkaðan á Hringbrautinni sjálfri, það myndi ósjálfrátt minnka hann á götunum sem eru inn af henni.

Ég mæli með 35km/klst á Hringbraut og 20km/klst á Hofsvallagötu. Þessi hraði er eðlilegasta þróunin og ódýrasta lausnin, svona til að byrja einhvers staðar. Fleiri stopp merki hjálpa heilmikið til og svo mætti löggan gefa fleiri hraðasektir.

Og þegar búið er að þjálfa ökumenn í að þeir megi ekki keyra eins hratt og þá langar til, þá að sama skapi eykst öryggið fyrir gangandi og hjólandi.

Vilja breyta Hofsvallagötu

Og svo er það... RÚV vefsíðan

Það er eitt ef menn deila um útsendingu tónlistarviðburðar.

Hitt er annað mál að hin mikilvæga vefsíða RÚV virkar sjaldan fyrir mig og heldur ekki svo marga sem ég tala við. Oftast þegar ég fer til að horfa kemur eitthvað Plugg-in vandamál sem er orðið svo krónískt og þreytandi að ég er hættur að nenna að standa í þessum RÚV-vefsíðum. Hér á heimili eru notuð 3 stýrikerfi með Chrome, Firefox og Safari. Og sjaldnast að ég geti stólað á að RÚV vefsíðan virki, þ.e. að maður geti bara horft á sjónvarpið eins auðveldlega og menn horfa á YouTube.

Það virðist sifellt þurfa einhverjar uppfærslur eða það bara virkar ekki.

Svo ég held að umræðan ætti að snúast um mikilvægasta mál RÚV, sem er vefsíða með góðu aðgengi og vandamálalausu fyrir alla. Efni sem nær langt aftur í tímann og geti þjónað sem eins konar fjölmiðlasafn.

Einnig vil ég benda á að þegar Íslendingar eru með börn erlendis munar mikilu að RÚV hafi góðan netaðgang að Íslensku barnaefni. Bara upp á að börnin nái Íslenskri tungu og skilji eigin menningu. Er er það mjög takmarkað á vefsíðunni og myndi ég glaður borga eitthvað smá til að fá aðgang að barnaefninu.

Vil benda á að vefsíður RÚV mættu taka sér til hliðsjónar hvernig YouTube fer að því að birta efni, eins og hvernig Netflix er með prógram þar sem maður greiðir eitthvað smáræði til að fá aðgang að ýmsu myndefni.

Útvarpsstjóri svaraði bloggara

Skrýtin frétt: Umskurðarherferð í Swazilandi.

"Stjórnvöld í Svasílandi hrintu í dag af stað átaki til þess að fá karlmenn til að láta umskera sig til þess að reyna að berjast gegn útbreiðslu HIV-veirunnar."

Ef þetta er áherzlan, þá verður maður að spyrja hvað er í gangi. Í Swazilandi er hildarleikur í gangi þar sem stór hluti þjóðarinnar er smitaður af HIV. Nú á að taka á þessu með umskurði karlmanna sem skv. ransókn á að hafa áhrif á smitleiðir.

Mig langar mikið til að vita hvers vegna í umskornum Bandaríkjunum er HIV smit SEX SINNUM hærra en í ó-umskorinni Svíþjóð. Þarf einhverjar frekari kannanir við en þessa?

Er ekki málið að AIDS forvarnir hafa bara sáralítið ef eitthvað með forhúðir að gera? Er ekki málið að stórar forvarnar áherslur felast í öllu öðru en að umskera karlmenn í massavís?

Maður spyr sig hvort hér séu læknar og lyfjafyrirtæki í "forhúðarbransanum?" Eða, er ég að missa af einhverjum sérstökum upplýsingum? Einhver er jú að græða á þessu eins og venjulega.

Umskurn gegn HIV

Dómsmál

Er Bandaríska ráðuneytið að undirbúa dómsmál og þessi beiðni um tweeter skilaboð beintengd því?

Twitter gert að afhenda öll skilaboð Birgittu

Dow Jones lækkar.

" Dow Jones hlutabréfavísitalan lækkaði um 0,02% í bandarísku..."

  Núll-komma-núll-tvö... takk fyrir að láta mann vita!

Hækkanir og lækkanir vestra

Skattgreiðslur auðkýfinga.

 

Gefa helming auðæfa sinna

Það áhugaverðasta er...

...að "Pentagon biðlaði til fjölmiðla að auðvelda ekki dreifingu leynigagna um Írak og reyna að forðast að fjalla um málið..."

Leyfum sólinni að skína.

Nató segir WikiLeaks ógna mannslífum

Algrími, orðskrípi?

Ég er nú eiginlega sammála sumum að "algrími" hljómar eiginlega sem óttalegt orðskrípi, hvort sem menn telja það löglegt eður ei skv. orðabók eða ámóta formlegum eða óformlegum lagasetningum.

Er orðið innantómt hljóðlíkis-afskrælmi á Enska orðinu? Bara svona "djók?" Spurningin er hvað "al" og "grími" þýðir á Íslensku, eða "alg" og "rími."

Eru þetta orð?

Í fljótu bragði mætti halda að á Ensku sé orðið samsett af "Algo" og "rithm."

En í ljós kemur að orðið byrjaði endur fyrir löngu með Persneskum stærðfræðing sem hét Al Kwarizmi. Í gegnum latínu breytti hann sínu nafni í titil á verki sínu "Algoritmi on the numbers..." Hann skrifaði líka ritið "algebra" sem hefur með tímanum komið til með að þýða "decimal number system" eða "Algorism."

"Algorithm" er skylt orðinu "logarithm." Þar sem orðið arithmetic" mætti kannski bara þýða sem reikning eða reiknilist.

Taka skal fram að "rithm" er ekki sama og "rhythm."

Þá er spurning hvort "algrími" sé ekki álíka gott íslenskt orð og "elliveitidda" væri fyrir "lyftu."

Spurningin er hvort algrímur sé einfalt djók frekar en orð sem lýtur reglum Íslenskrar tungu.

Jæja, nú ætla ég að "meika einn OSOM kaffi" og fara að vinna!

Hrunið rakið til algríms

Eðlilegar sektir fyrir bíla-yfirgang.

Mér dettur nú helst í hug að alvöru íþróttamenn skokka eða hjóla á leikinn. Eða ef erfitt er að fá bílastæði við dyrnar, þá prófið að leggja í Síðumúlanum eða hjá Ármúlaskóla og labbið 150m.

Ég veit það er langt, en allt í lagi að reyna. Og ekki sakar að fá smá ferskt loft fyrir og eftir spenninginn.

Að óseku má líka byrja að sekta almennilega fyrir að leggja á hjólreiðastígum, hraðakstri og þegar ökumenn gefa ekki stefnuljós. Ég vil sjá lögguna taka svolítið á í þessum málum og ekki sakar að fá peninga í kassann hjá borginni.

Sjötíu fengu sekt á leiknum

1+1=1

Virkjun árinnar er kannski ágætt mál. En færsla vegarins út úr bænum er bara tóm della fyrir Selfoss. Eins og ég hef reyndar skrifað um síðan hugmyndin dúkkaði upp.

Með minnkandi gegnumflæði koma minnkandi tekjur. Bílar geta vel hægt á sér þennan eina kílómeter eða hvað það er sem tekur að fara í gegnum Selfoss.

Ef þeir geta það ekki, er máski spurning um að gefa ferðalöngum rítalín á brúnni.

Skoða rennslisvirkjun í Ölfusá

1300 ár.

Elstu vísindamælingar um byggðir á Páskaeyjum benda á landnám Páskaeyja um 700-1100, svo eitthvað er aldurinn á svipuðu reiki og Íslensku landnámi.

Stytturnar eru því ekki eldri en 1300 ára og þá líklegast mun yngri.

Fagnaðarlæti á Páskaeyju

Akureyringar missa af Desparate Housewifes

Athugasemdir hafa borist frá fjölda Akureyringa um að þjóðveginum verði breytt nærri Blönduósi og að grösug tún verði malbikuð fyrir þá, helst í rauðum lit, svo þeir geti komist 10 mínútum fyrr í að horfa á sjónvarpið. Einnig á að byggja eitt stk. nýja brú yfir Blöndu fyrir þá. Endursýningar á Desparate Housewifes eru að fara að byrja og hreinn ógerningur að ná í þættina nema lagt sé fyrr af stað.

Allt vegna þess að keyrt er rétt utan í Blönduósi.

Sumir jafnvel slysast inn í sjoppuna til að ná sér í pylsu og ís handa börnunum.

"Þá missir maður jaFnvel af hálFum þætti!" Kveður í einum.

Vilja styttri þjóðveg

Þú mátt ekki vera lúser.

Þetta hefur verið stór hluti í uppeldi okkar allra, sl. áratug(i). Reyna að snapa sér hærri laun. Lélegustu stjórnendurnir komast í stjórnun, eiga stærsta ruslahauginn. Launasamanburður eins og að tékka hvort epla-lógó sé á tölvu hins.

Börn á fermingaraldri eru meðvituð um þessa lífs-heimtingu og skal engann undra ef óánægja og þunglyndi neytandans felst í litlum skilningi á nægjusemi.

Launasamanburður leiðir til óhamingju

Vitlaus hola!

Að hella vodka í augun? Ég hlýt að vera eitthvað lengi að fatta. Drekk koníak og ýmis vín bragðsins vegna, enda mörg bara hreint afbragð.

Maður á að drekka vín með munninum, ekki augunum, eyrunum eða rassinum.

Hættulegur drykkjuleikur nær vinsældum

Sammála ESB

Sammála framkvæmdastjórn ESB og ég efast líka sko.

Hef alltaf efast stórlega um ESB aðild.

Nú er lag að spara og draga umsóknina til baka.

Þetta er klárlega tímasóun, peningasóun og truflar landsmenn við þarfari verk.

Að lokum legg ég til að braskarar á alþingi verði sendir á plankann hið snarasta.

ESB efast um umsókn

Þjóðnýtingu strax.

"Seljum okkur sem 3 tommur í stað 5." Bla bla. "45 ár í stað 60."

Helvítis kjaftæði er þetta. Að selja gróðafíklum orkuverin.

Hvernig væri að þjóðnýta þessa orkuveitu komplett og hætta þessu helvítis braski með fjöregg þjóðarinnar?

Vilja viðræður við Magma

"Nota börn sem skildi"

Her Taílands á erfitt með að myrða fleiri mótmælendur og kvartar að börn séu að flækjast fyrir byssukúlunum.

Spurning hvernig við skrifum fréttirnar.

Herinn myrðir amk 38 manns. Er spurning hver er terroristi í þessu spili.

Svo má skoða þetta:

http://www.democracynow.org/2010/5/18/debating_the_crisis_in_thailand_is

Sagðir nota börn sem skildi

Dýrmætt byggingarland á Akureyri.

Með þessum flug-látum má gera ráð fyrir að einhverjir Akureyringar verði snælduvitlausir og heimti að fá millilanda- og innanlandsflugið flutt frá miðbænum yfir á Melrakkasléttu. Svona "alveg eins og fyrir sunnan!" Þar sem innanlandsvöllurinn á endilega að fara 50km í burtu frá miðpunktinum af því það er svo auðvelt að skella upp einni farþegalest þarna á milli fyrir gróðann sem fæst af sölu lóðanna á flugvallarlandinu.

Þéttbókað á Akureyrarflugvelli

RÚV missir andlitið.

Nú vet ég ekki aðdraganda þessa máls en hef á tilfinningunni að verið sé að ráðast á garðinn þar sem hann er lágur. Það hlýtur að mega spara annars staðar (hint: Íþróttir) en að klippa út þuluna, sem hefur alla tíð gefið sjónvarpinu Íslenska sinn sérstaka blæ. Þulan persónugerir sjónvarpsáhorfið og setur mannlegt andlit á annars þurra textakynningu.

Að sumu leyti finnst manni þetta mál vera eins og með styttu sem á að flytja á nýjann stað. Hún reynist of löng fyrir kassann, einn snillingurinn tekur sig til og meitlar bara af henni hausinn. Þá passar hún. Sko!

Og þess vegna verður RÚV-styttan frá og með flutningnum höfuðlaus.

Þakka þjóðinni samfylgdina

Lán eru tekjur

 Stíflum Skerjafjörð til að fá dýrmætt byggingarland og græðum.

 Byggjum í Engey!

Flytjum flugið úr Vatnsmýrinni.

Hinir nýju búðareigendur eru ekki í þeim bisniss að reka eitthvað Danskt Magasín.

Leggjum járnbrautarlest til Keflavíkur.

Lán eru tekjur.

Borum gat til Vestmannaeyja.

Láttu peninga vinna fyrir þig.

Ísland er minnst spillta land í heimi.

Bullustrumpar eru um heim allan. Þarf að fara til Indlands til að finna þá?

Hvorki borðað né drukkið í 70 ár