RÚV missir andlitið.

Nú vet ég ekki aðdraganda þessa máls en hef á tilfinningunni að verið sé að ráðast á garðinn þar sem hann er lágur. Það hlýtur að mega spara annars staðar (hint: Íþróttir) en að klippa út þuluna, sem hefur alla tíð gefið sjónvarpinu Íslenska sinn sérstaka blæ. Þulan persónugerir sjónvarpsáhorfið og setur mannlegt andlit á annars þurra textakynningu.

Að sumu leyti finnst manni þetta mál vera eins og með styttu sem á að flytja á nýjann stað. Hún reynist of löng fyrir kassann, einn snillingurinn tekur sig til og meitlar bara af henni hausinn. Þá passar hún. Sko!

Og þess vegna verður RÚV-styttan frá og með flutningnum höfuðlaus.

Þakka þjóðinni samfylgdina

Athugasemdir

[Ybbar gogg (IP-tala skráð) 1.5.2010 kl. 03:21]

Orð þurfa eigi andlit. Þaðan af síður ómerkilegur texti ómerkilegrar dagskrár.

[Kolbrún Stefánsdóttir, 1.5.2010 kl. 08:43]

Hi ég er alveg ósammála þér. Mér hefur lengi fundist þulurnar ótrúlega óþarfar og minnir mig alltaf á bílaauglýsingar í den með hálfberum konum á húddinu. Varla er bíllinn óþarfur (hauslaus ) þó þessu hafi verið hætt eða hvað? kveðja Kolla. 

[Ólafur Þórðarson, 2.5.2010 kl. 14:07]

Sjónvarp (mynd) og orð (bók) eru tveir ólíkir hlutir rétt eins og bíll og sjónvarp eru ólíkir hlutir. Þíð eruð ólíkum hlutum saman að jafna!

Format þula má vel laga, sem og dagskrá. 

[Kolbrún Stefánsdóttir, 2.5.2010 kl. 18:28]

Já kann að vera að ólíku sé hér jafnað saman en markaðssetning er markaðssetning og ýmis tæki og tól notuð til að ná sem bestum árangri þar. Ég lít svo á að kona á bílhúddi og kona að lesa dagskrá í sjónvarpi sé af sama meiði runnin. Hafa ekki þulur þurft að uppfylla ákveðinn fegurðarstaðal til að fá starfið eða eru bara íslenskar konur almennt svona fagrar  kveðja Kolla.

[Ólafur Þórðarson, 9.5.2010 kl. 03:03]

Þá er vel hægt að hafa kall í þessu hlutverki ef þú ert ánægðari með það. Eru Íslenskir kallar ekki líka voða sætir?

Þula er þegar fyrir hendi í einhverjum þáttum og þá í karllíki. Nefni engin nöfn. En viðkomandi reyna hvað þeir geta til að vera voða sætir, uppmeikaðir og voða perfekt eins og bílasölugellur, þó ekki í sundbolum.

Þula er auðvitað frábært konsept og mætti efla vægi hennar(hans) frekar en hitt. Auðvitað á þulan að vera meira en "upplestrarvél" og kannski liggur vandinn í titli hennar, sem þrengir hlutverkið um of, og ætti frekar að vera "kynnir" sem getur rætt aðeins um efnið sem verið er að fara að sýna, slegið á létta strengi og verið andlit sjónvarpsins.

Svo verð ég nú að minna á að lífið er nú sem betur fer ekki eintóm markaðssetning, þó okkar heilabú hafi verið súrsuð og söltuð yfir á það mentalitet sl. áratug, með sölubrellufræðum í óverdive.

[Kolbrún Stefánsdóttir, 9.5.2010 kl. 20:52]

Flott svar hjá þér veffari og lítið við það að bæta. Ég vill auðvitað að það séu sætir strákar á skjánum sem oftast en helst bara í fótboltanum eða hasarmyndum ýmiskonar. Ég held að það hefði líka verið hægt að útvíkka hlutverkið  og hagræða annarsstaðar í staðinn -sammála þér þar. Segi því bara amen á eftir efninu. kveðja Kolla.